- O'ylashimcha, o'yinni biz kurashchan boshlay olmadik. Dastlabki daqiqalardan raqib ko'proq g'alabani istayotganligi ko'rindi.
Umuman olganda, jamoamiz pastki o'rinlardan oxirgi turga kelib kumush medali uchun imkoniyatga ega bo'lgani ham yomon emas. Ikkinchi davrani jamoamiz ancha yaxshi o'tkazdi, deyish mumkin.

Biz qo'yib yuborilgan barcha gollarga qaraydigan bo'lsak, o'zimiz qo'pol xatolarga yo'l qo'ydik. Birinchisida Iskanderov xato qildi, ikkinchisida Alijonov noto'g'ri o'ynadi. Uchinchi golda esa Lobanov nima qilganini tushunmadim.
Bu bilan faqat bizning xatolarimiz mag'lubiyatga sababchi bo'ldi, demayman. "Nasaf" bizni xato qilishga majbur qilganini ham tan olish kerak.

Bugun bizga g'oliblik ruhi etishmadi.

Eldorbek Suyunov? Bizda ikkita yaxshi saviyadagi kiper bor.
Lobanov bugungi uchrashuvgacha yaxshi o'ynab kelayotgandi. Shuni aytishim mumkinki, Suyunov bizda ikkinchi raqamli darvozabon emas. Joriy mavsumda faqat chempionatda o'ynaganimiz bois unga imkoniyat berolmadik.

O'zbekiston chempionati potencial jihatdan ancha yuqori hisoblanadi. Ammo biz o'zimiz kichik detallarga etibor qaratmay, chempionatning butun potencialidan foydalana olmayapmiz. Oddiygina maydon holatlariga etibor qaratishni o'zi kifoya. Qarshida esa barcha sharoitlar ajoyib, deyish mumkin.
Qani endi barcha stadionlarda shu kabi sharoitlar bo'lsa, bu faqat foydaga, chempionat kuchayishiga xizmat qiladi.

"Nasaf" ancha barqaror jamoa ekanligini alohida etibor qaratishim mumkin.

Marko Simich nega o'zgartirildi? Simich biroz kichik jarohat oldi, umuman o'yin davomida ko'p bor hakamlar bilan tortishayotgandi. Shu bois uni almashtirdim. Umuman olganda, uni ertaroq almashtirishim kerak edi.

Keyingi mavsumga rejalar? Bu ko'p jihatdan O'zbekiston kubogi finaliga bog'liq. Agarda "Lokomotiv" g'alaba qozonadigan bo'lsa, biz kelasi mavsumda OCHLda o'ynash imkoniyatini qo'lga kiritamiz.

Shota Arveladze: "Paxtakor"ga bugun g'oliblik ruhi etishmadi"