Uchrashuvdan oldin "sherlar" ustozi Shota Arveladze bo'lajak o'yin haqida fikrlarini bildirib o'tdi.

- Asta-sekinlik bilan chempionatning qizg'in pallasi kirib bormoqda. Birinchi davra o'rtasiga etib keldik. Hozircha yaxshi o'yin namoyish etyapmiz, ammo hech narsaga qaramay, oldinga qarab borish, o'yinni yanada yaxshilash ustida ishlashda davom etish kerak. Hech bir raqibni shunchaki engib bo'lmaydi. Endi har bir uchrashuv ahamiyati ortib boraveradi. Biz doimgidek hujumkor va ishqibozlarga yoqadigan chiroyli o'yin namoyish etishga intilamiz.Raqiblarni hurmat qilamiz va har bir uchrashuvga jiddiy munosabatda bo'lishga urinamiz.

"Metallurg" yaxshi jamoa. Ular oxirgi ikki yilda yaxshi jamoalardan biriga aylanishdi. Tarkibida bir qator tajribali va yaxshi ijrochilari bor. Har bir klubga jiddiy qarshilik ko'rsata oladigan salohiyatga ega. Bizning vazifamiz esa chiroyli futbol ko'rsatish va zafar uchishga urinishdir.

Shota Arveladze: "Peshqadamlardan biri bilan keskin o'yin o'tkazamiz"