- Birinchi navbatda bu o'yinda bizning barcha ishlarimiz o'xshagani, raqibda esa aksincha holat kuzatilganini takidlash lozim. Uchta rikoshet va boshqa gollar. Lekin shunga qaramay hisob yirik ko'rinishga kelganda ham jamoa tartibli, pozicion taraflama yaxshi o'yin ko'rsatganini aytish kerak. Bunday o'yinlar juda kam va xavfli bo'ladi. "Qizilqum" aslida oson yutiladigan raqib emas. Ular chempionatda bugungidek bo'sh o'yin ko'rsatishmaydi. Bugungi g'alabadan havolanib ketib, ortiqcha gapirmaslik kerak.

Men jamoadagi statistikalarim bilan chalg'ib qolmasligim kerak. Asosiy maqsad natijalar. Birinchi navbatda yangi mavsumdagi ilk vazifa, yani OCHL guruh bosqichiga yo'llanma olishni uddalagandik. Ikkinchi qismida esa qiyin guruhdan chiqib, musobaqada munosib ishtirok etishimiz lozim edi. Mamlakatga o'zbek futbolini keo'rsatishni istagandik.

Tan olish kerak, OCHLda guruhimiz juda qiyin edi. Qatar terma jamoasida "Al Sadd"ning 6-7 nafar futbolchilarini ko'rsam xursand bo'laman. Biz ular bilan tengma-teng o'ynagandik. Ularni uyda ham, Qatarda ham yutishimiz mumkin edi. "Al Sadd"dagi terma jamoa azolariga Gabi va Xavini qo'shsak, bu deyarli Kopa Amerikada Argentina, Kolumbiya va Paragvay bilan o'ynayotgan Qatar terma jamoasiga aylanadi. Bu jihat barchaga kelajakka yaxshi, pozitiv ruhda qarash kerakligini anglatadi, menimcha. Barchamiz birgalikda ishlab, o'z muammolarimizni hal etishimiz lozim.

Qaytaraman, statistika bilan ovora bo'lmay, oldimizda turgan chempionat va kubok musobaqalariga etibor qaratgan maqul. Hali chempionatdagi mavsumning yarmi ham o'tgani yo'q.

Shuni istardimki, stadionga keladigan muxlislar ko'proq bo'lsa. Bugun stadionga kelgan muxlislar uchun yaxshi futbol kechasi bo'lib o'tdi. Gollar, ob-havo yaxshiligi, sifatli maydondagi futbol. Umid qilamanki, biz bilan mavsum startida birga bo'lgan, ishqibozlar bu gaplarimni eshitib, stadionga qaytishadi.

Igor Sergeevning 100-goli? To'g'risi buni o'yindan keyin bildim. Shu boisdan ham hali alohida bu voqea bilan tabriklaganimiz yo'q. Demak unga qo'shimcha sifatida 100 AQSH dollari sovg'a qilamiz (kuladi). Bu har bir goli 1 dollarga teng qiymat ekanligini bildirmaydi, shunchaki yubiley goli bo'lgani uchun hazil tariqasida tez javob berdim. Igorni albatta yubiley goli bilan alohida tabriklaymiz.

Transfer kompaniyasi? Selekciya davom etmoqda. Biz lazaretdagi futbolchilarni tiklanishini kutyapmiz. Ular birinchi davra yakuniga qadar ulgurishmadi. Ammo ko'pchilikda tiklanish jarayoni tez va yaxshi ketmoqda. Yaxshiboev tez orada safga qaytishi kerak. Sadriddin Abdullaev ham qaytishi kerak. Doston Hamdamov individual mashg'ulotlarni boshladi. Javohir Sidiqovni esa biroz kutishga to'g'ri keladi. Ko'ramiz.

Qayd etish kerakki, "Qizilqum" ustidan qozonilgan mazkur g'alaba Shota Arveladzening "Paxtakor" rulidagi 48-yutug'iga aylandi va eng yirik hisobdagi g'alaba bo'ldi. Arveladzening bugungi o'yini bilan qo'shib hisoblaganda, bellashuvlar soni 73taga etdi. Statistika quyidagicha: 48 g'alaba, 13 durang va 12 mag'lubiyat. To'plar nisbati: 143-58.

Shota Arveladze: "Sergeevning yubiley 100-goli? Qo'shimcha 100 dollar mukofot puli sovg'a qilamiz"