Shotlandiya - Vengriya 0:1

Gol: Chobot (90+10).

Shotlandiya: Gann, Ralston, Xenli, Makkenna, Xendri, Robertson, Makgregor, Maktominey, Gilmor, Makginn, Adams.

Vengriya: Gulachi, Bolla, Orban, Botka, Dardai, Kerkez, Staylz, Shallai, Soboslai, Shafer, Varga.

O'YIN YAKUNLANDI

90+10. GOOOOOOOLLLLLLLLLLL! Vengriya o'yinga nuqta qo'ymoqda. Kevin Chobot qarshi hujumni o'z goli bilan muvaffaqiyatli yakunladi!

90+8. Nimalar bo'lyapti! So'nggi daqiqalarda jamoalarda o'ta qulay vaziyatlar yuzaga kelmoqda. Xenli bu safar darvozaga yo'l topa olmadi.

90+7. Maktominey! "Manchester Yunayted" futbolchisi o'yin taqdirini hal qilib qo'yishi mumkin edi. Yo'q, bu vaziyatda baribir offsayd bo'lgan ekan.

90+2. Uxxxx! Qanday qilib! Vengriyalik futbolchi birga-bir vaziyatdan foydalana olmadi, uning zarbasi darvoza ustuniga tegib qaytdi.

90+1. Soboslai gol urishi mumkin edi. U jarima maydonchasi ichida sherigining uzatmasidan so'ng darvoza tomonga zarba bergan edi, ammo Gann zarbani bartaraf etdi.

90. Hakam ikkinchi bo'limga 10 daqiqa qo'shib berdi.

89. Shotlandiyada jamoa sardori Robertson maydonni tark etdi, uning o'rniga Morgan tushirildi.

86. Jarima maydonchasi ichida Orbanning boshi raqibiniki bilan to'qnashib ketdi. Hammasi yaxshi, o'yin davom etadi.

79. Uxxx! Hakam "penalti yo'q!" demoqda. Vengriyalik o'yinchi birga-bir vaziyatga chiqa turib, maysaga qulagandi.

77. Ikki jamoada ham ikkitadan o'zgarish ro'y berdi.

73. Vengriyalik futbolchi zambilda maydondan olib chiqib ketildi, unga sog'liq tilaymiz!

70. Vaziyat jiddiy, o'yinchilardan biri og'ir jarohat olgan. VAR brigadasi parallel ravishda ehtimoliy penaltini ko'rib chiqmoqda.

68. Xavfli vaziyat! Soboslaining uzatmasidan so'ng Shotlandiya jarima maydonchasi ichida to'qnashuv sodir bo'ldi. Maydonda uch kishi yotibdi, shifokorlar ularga yordam ko'rsatishmoqda.

61. Vengriyada o'zgarish: Adam Nagi Kallum Staylzni almashtirdi.

56. Shallai jarima maydonchasi ichidan raqib darvoza tomon zarba berdi, ammo uning yo'nalishiga raqib to'g'anoq bo'lib, to'pni maydondan chiqarib yubordi.

53. Adams jarima maydonchasi tomon harakat qildi va uning tashqarisidan zarba berdi, ammo unga aniqlik etishmadi.

51. Skott Maktominey ogohlantirildi! U Shotlandiya keyingi bosqichga chiqsa, navbatdagi uchrashuvni o'tkazib yuboradi.

46. Ikkinchi bo'limga start berildi!

BIRINCHI TAYM YAKUNLANDI

45. Birinchi bo'limga hakam tomonidan 1 daqiqa qo'shib berildi.

44. Xavfli o'yin uchun sariq kartochka. Hakam Shaferni hujumda qoidani buzgani uchun ogohlantirdi.

41. Uxxxx! Vengriya terma jamoasi hisobni ochishi mumkin edi. Soboslai jarima maydonchasiga yaqin joyda sherigiga uzatma ijro etdi, ammo zarbaga aniqlik etishmadi.

35. Shallai uzoq masofadan kuchli, ammo noaniq zarba berdi.

32. Soboslai jarima zarbasidan o'z omadini sinab ko'rdi, ammo uning zarbasi jonli devorga tegib, maydonni tark etdi.

26. Yana bir sariq kartochka! Bu safar Vengriya terma jamoasi himoyachisi Villi Orban qo'pol harakati uchun hakam tomonidan ogohlantirildi.

22. Shotlandiyada qulay standart vaziyat yuzaga keldi. Robertsonning jarima zarbasidan uzatgan to'pini raqib qaytarib yubordi.

18. O'yindagi ilk sariq kartochka Staylzga ko'rsatildi, u raqibga oyog'i bilan zarba berib yuborgandi.

14. Kichik ustunlik Shotlandiya tomonida. Ammo, hozircha darvozalar oldida xavfli vaziyat sodir etilmadi.

8. Ilk zarba vengerlarga tegishli, ammo Gann raqib zarbasini qiyinchilik bilan bartaraf etdi.

6. Ilk daqiqalarda biror jamoada ustunlik bor deb bo'lmaydi, hozircha maydonda tashabbusni qo'lga olish uchun kurash kechmoqda.

1. O'yin boshlandi!

- Ikki mamlakat madhiyalari yangramoqda.

- Jamoalar maydonga chiqib kelishmoqda.

- Barchaga salom! Bugun sizlar bilan birgalikda "A" guruh 3-tur doirasidagi Shotlandiya - Vengriya o'yinini birgalikda kuzatib boramiz.

Evro-2024. 90+10-daqiqadagi gol Shotlandiya - Vengriya o'yini taqdirini hal qildi