- O'yin haqida

- Avvalo, "Bunyodkor" muxlislarini, ishchilarini va ayniqsa, futbolchilarini g'alaba bilan chin ko'ngildan tabriklayman. Yigitlarga tashakkur aytaman. "Surxon"ga keyingi o'yinlarda omad!

- Mavsum boshlanishidan oldin "Bunyodkor"ga va sizga ishonmagan odamlar talaygina edi. Hozir 5-o'rin kafolatlandi. Jamoa oxirgi turda 4-o'rin uchun ham kurash olib borishi mumkin. Mavsum boshida jamoada nominal himoyachilar yo'qligi va tarkibni o'zingiz xohlagandek shakllantira olmaganingiz haqida aytgandingiz. Jamoaning mavsum davomidagi asosiy yutug'i nimada bo'ldi?

- Eng muhimi, o'zimga ishongan edim. Bundan tashqari, yordamchilarim hamda futbolchilarga ishonardim. Ular har bir o'yinda kuchli ekanliklarini isbotlashdi. Hech kim mehnat qilishdan to'xtamadi va mana ijobiy natijalar kela boshladi. Homiylarga ham o'zim va futbolchilar nomidan minnatdorlik bildirmoqchiman.

- Autsayder jamoalar kelasi mavsumda Superligada 16 ta jamoa bo'lishi tarafdori ekanliklari haqida gap-so'zlar tarqaldi. Bunga sizning shaxsiy munosabatingiz qanday?

- Bu narsani masullar o'ylagani yaxshi. Mening vazifam – futbolchilarni o'yinga tayyorlash. Bu narsa mening vakolatimga kirmaydi. Albatta, o'yinlar soni ko'p bo'lgani yaxshi, faqat jamoalar bunga loyiq bo'lishi kerak. 3-4 turdan keyin safar o'yinlariga pul topolmasa, chempionatga ziyon keltiradi. Shu bois bu masalani chuqurroq o'ylash lozim.

Shuhrat Maqsudov: "Albatta, o'yinlar soni ko'p bo'lgani yaxshi, faqat jamoalar bunga loyiq bo'lishi kerak"