"TuttoMercatoWeb" nashri xabariga ko'ra, "Manchester Siti" klubi yarim himoyachisi David Silva faoliyatini Qatarda davom ettirishi mumkin. "Al Duxail" 33 yoshli futbolchiga shartnoma taklif qilishga tayyor. Qatar klubi allaqachon Silvaning agentlari bilan ehtimoliy transfer shartlarini muhokama qilishga ham ulgurgan.

Eslatib o'tamiz, Silvaning "shaharliklar" bilan amaldagi shartnomasi mavsum oxirida yakunlanadi. Ispaniyalik futbolchi "Manchester Siti" bilan hamkorlikni davom ettirmoqchi emas. U joriy mavsum APLning 15 uchrashuvida maydonga tushdi va o'z hisobiga 3 gol va 6 ta samarali uzatma yozdirib qo'ydi.