"Statistikalar bizni ECHL va Italiya Kubogidan ko'ra, A Seriyada yaxshiroq ekanligimizni ko'rsatmoqda. Biroq natijalar buni tasdiqlamayapti. Hozir biz nima qilsak ham raqib darvozabonlari - Ochoa, Drongovski va boshqalar uchrashuvning eng yaxshilari bo'lmoqda.
Jamoadagilar ochko va g'alabalar kerakligini tushunib turibdi. 2023 yilda biz o'z darajamizdagi kabi o'ynay olmayapmiz. 16 oy davomida muntazam gol urib keldik, eng yaxshi hujum chiziqlaridan biri bizda bo'ldi, endi esa vaziyatlardan foydalanish anchagina kamaydi. Jamoa vaziyatlar yaratmoqda, biroq bizga buni yakunlash muhim.
Chempionatda "Milan"dan 2 ochkoga ortda qolyapmiz. Bizda ECHL pog'onasiga joylashish uchun barchasi etarlicha. Biroq "Juzeppe Meacca"dagi mag'lubiyat bizni ogohlikka chaqirishi kerak. Jamoa yaxshi, vazifalarni bajara oladi. Biz Italiya Kubogi va ECHLdagi ishtirokni davom ettiryapmiz.
ECHLda boshqa kayfiyat, chempionatda boshqa kayfiyat degan fikrga esa qo'shilmayman", - dedi Inzagi.

"Inter" 5 o'yindan buyon A Seriyada g'alaba qozona olmayapti. Jamoaning navbatdagi uchrashuvi 19 aprel kuni ECHL doirasida "Benfika"ga qarshi bo'ladi.

Simone Inzagi "Inter"ning muammolarini aytdi