Ushbu bahs oldidan "Mashal" himoyachisi Siroj Hamroev o'yin haqida fikrlarini bildirib o'tdi.

"Ertaga mavsumda birinchi marta rasmiy bahsda maydonga tushishim mumkin. Shu vaqtga qadar jarohatim bois maydonga tusha olmay keldim. Agar ertangi bahsda murabbiylar shtabi menga ishonsa rasmiy bahsda ham maydonga tushib o'zimni ko'rsatishim mumkin. Jarohatdan forig' bo'lganman. Sog'lig'im borasida muammo yo'q. Bor kuchim bilan harakat qilishga intilaman.

Haqiqatdan ham og'ir uchrashuv kutib turibdi. "Bunyodkor" kuchli jamoa va OCHLda ham o'ynamoqda. Raqibni hurmat qilamiz lekin imkonsiz ishni o'zi yo'q. G'alaba qozongan holda uyga qaytmoqchimiz. Hozir og'ir vaziyatdamiz. Bizga bir g'alaba juda ham kerak. Hamma bir bo'lib harakat qilsa uddalab bo'lmaydigan vazifa yo'q deb o'ylayman. Bizni faqat va faqat g'alaba qoniqtiradi" , - deydi Siroj Hamroev.

Siroj Hamroev: "Bunyodkor"ni hurmat qilamiz lekin imkonsiz ishning o'zi yo'q"