- Avvalo musobaqa haqida to'xtalib o'tsangiz.

- Talabalar o'rtasida sog'lom turmush tarzini targ'ib qilish maqsadida ananaviy tarzda “Rektor Kubogi” musobaqasini o'tkazib kelamiz.

- Musobaqa qachondan beri o'tkazib kelinadi?

- Institut tashkil topgan 1956 yildan buyon ananaviy tarzda o'tkazib kelinadi. Turnir bir yilda bir marta tashkil etiladi.

- Institut jamoasi Toshkent shahar chempionatida ishtirok etishidan xabarimiz bor...

- To'g'ri. Institutda tahsil oladigan talabalar, aniqrog'i, professional klublarda to'p surmaydigan talabalardan iborat jamoamiz Toshkent shahar birinchiligi bo'lmish 2-liga bahslarida muntazam ravishda qatnashib keladi. Salkam 20ta jamoa ishtirok etadigan chempionatdagi natijalarimizni ijobiy baholash mumkin.

- Toshkent shahar birinchiligida qatnashishdan nima maqsad? Bu ham talabalar o'rtasida sog'lom turmush tarzini targ'ib qilishmi?

- Albatta, lekin boshqa sabablar ham bor. Jumladan, institut jamoasi “Universiada” o'yinlarida qatnashadi. Tabiiyki, biz bu musobaqada munosib qatnashish uchun kuchli jamoaga ega bo'lishimiz kerak. Kuchli jamoani shakllantirib uchun esa, turnirlar bo'lishi lozim. Biz talabalardan tashkil topgan jamoani shahar birinchiligida shakllantirib boramiz.

- Institut jamoasi shahar birinchiligida yuqori o'rinlarni egallab turganining guvohi bo'ldik. Jamoa 1-ligada ham qatnashishi mumkinmi?

- Mumkin. Hozir biz bu borada ham ish olib boryapmiz. Stadionimizni talab darajasiga olib chiqsak, 1-liga uchun ham harakat qilib ko'ramiz.

Sirojiddin Po'latov: "Birinchi ligada ham qatnashish niyatimiz bor"