"Kayfiyatim yo'q, sababi mashg'ulotda yo'q joydan jarohat oldim, - deb gap boshladi futbolchi. Jarohatim u qadar jiddiy emas deb kutgandim, afsuski men uchun mavsum yakunlandi. Maydonga qaytishim uchun oyog'imni operaciya qilish kerak ekan.

Ertangi o'yinga to'xtaladigan bo'lsam, "Al Ayn" kuchli va jiddiy raqib. Bizni kichik ustunligimiz o'z uyimizda o'ynashimiz. Shuni unutmaslik kerakki, bizning jamoa safida kuchli futbolchilar bor va raqibdan qo'rqmaymiz. "Bunyodkor" stadionida o'ynash biz uchun biroz muammo tug'diradi, sababi bu maydonga u qadar ko'nikmaganmiz. Ammo ishonamanki, ertaga muhim g'alabaga erishib keyingi bosqichga chiqamiz.

- Ertaga qaysi jamoadoshingizdan gol kutayapsiz?

- Menimcha ertangi o'yinda Nemanya Yanichich yarim finalga yo'llanma beruvchi golni ursa kerak. Standart vaziyatlarda u ancha xavfli hisoblanadi. Shu bois aynan Yanichichdan gol kutayapman, - deydi Slaven Stepanovich.

Shahboz Beg'amov

Slaven Stepanovich: "Yanichich "Lokomotiv"ni yarim finalga olib chiqsa kerak"