Жамоа умумий жадвалда 15 очко жамғарган ҳолда етакчилик қилмоқда.

"Чемпионлар Лигасини шу қадар кўп ютган клубга қарши тўп тепиш – ўзгача ҳисларни тақдим этади. "Ливерпуль" узоқ йиллар давомида қийинчиликларга дуч келган. Бу муҳим ҳафта ва бугунги ғалаба ёқимли. Мен маълум очко жамғаришни мақсад қилмагандим. Имкон қадар тезроқ янги ўйин услубини сингдиришни истайман. Бу унчалик қийин бўлмаяпти, сабаби у Юргеннинг [Клопп] ўйинидан кескин фарқ қилмайди. Нафақат асосий таркиб вакиллари, балки захирадан ўйинга қўшилган футболчилар ҳам биз кутгандек ҳаракат қилиши айниқса ёқимли. Агар мавсум аввалидан эътиборимни очколарга қаратганимда, бугунги натижаларга эриша олмасдик. Ҳар сафар "Реал" дарвозамизга таҳдид солганида, хавф ўзимиздан келиб чиққанди. Назаримда, биз янада интенсивроқ ҳаракат қила оламиз ва тўп билан яхшироқ муомалада бўла оламиз. Ҳар икки зарбада [пенальти] тўп дарвоза тўрига бориб тушадигандек туюлди. Бироқ иккиси ҳам мўлжалда адашди ва улар ҳам одамлигини барчага эслатиб қўйди. Мбаппенинг зарбасида Келлехернинг ҳам ажойиб ҳаракатларини таъкидлаш лозим. У биз учун кўп иш бажарди, худди бошқа бир дарвозабонимиз каби".

Слот: "Ливерпуль" бундан ҳам яхшироқ ўйнаши мумкин эди"