Собир Хамидов "Турон" бош директори лавозимига тайинланди

Оқил Абдубарноев
10 янв 2022
Фаолияти давомида "Навбаҳор", "Сўғдиёна", "Қўқон-1912" каби клублар сафида тўп сурган собиқ футболчи Собир Хамидов "Турон" бош директори лавозимига тайинланди.

Собир Хамидов "Турон" футбол клуби ташкил этилганидан бери жамоа штабида фаолият олиб боради. Шунингдек, у Ўзбекистон туманида ташкил этилган "Олимжон Акбаров" номли жамоада ҳам ўйнаган.  

Собиқ футболчи "Турон"га дастлаб футболчи сифатида жалб этилган бўлса, сўнгги икки мавсумдан буён спорт директори лавозимида ишлаб келаётганди.


Оқил АбдубарноевМуаллиф
Манба: "Турон" ФК матбуот хизмати