U “Yangier” klubida to'p tepmoqda. Futbolchining Litvada o'tkazgan faoliyati, Pro-liga klubi safiga qay tariqa kelib qo'shilgani xususida uning fikrlariga quloq tutdik.

- Solibek, “Yangier”ga kelib qo'shilish jarayoni qay tariqa amalga oshdi?
- Litvada o'tkazgan faoliyatimdan so'ng O'zbekistonga kaytdim va Superliga klubining ko'rigida bir muddat bo'ldim. Ayrim sabablarga ko'ra, klub bilan shartnoma imzolamadik. Vaqt kam qolgani tufaylli o'sha vaqtda Azamat Abduraimovning taklifi bilan “Yangier” safiga kelib qo'shildim. Men jamoaga kelishimdan bir kun oldin Abduraimov istefoga chiqdi. Shundan so'ng klub bosh murabbiyi vazifasini qo'lga olgan Bekzod aka Qodirqulov mendan qolishimni so'radi. Shu tariqa, “Yangier” bilan shartnoma imzoladim.

- “Miniya” bilan shartnoma tugaganmidi yoki kelishgan holda uni bekor qildizmi?
- Ha, “Miniya” bilan shartnomam bor edi. Ayrim sabablarga ko'ra, kelishuvni bekor qildim. O'z navbatida “Yangier” bilan shartnoma tuzganimdan so'ng, Evropaning boshqa bir jamoasidan taklif tushdi. Biroq men ularga rad javobini berishga majbur bo'ldim.

- Yana chetda to'p surish istagi bormi?
- Albatta, ha. Hozirda agentim Evropaning bir nechta klublari bilan muzokara o'tkazmoqda. Pro-liga mavsumi yakuniga etganidan so'ng, ko'p narsaga oydinlik kiritiladi. Balki yana chetda to'p surish imkoniyati yuzaga kelishi mumkin.

- “Miniya”da o'tkazgan qisqa faoliyatingizdan olgan taassurotlaringiz qanday?
- Rostini aytsam legioner bo'lib to'p tepish menga maqul keldi, lekin u klub sizdan ko'p narsa talab qilar ekan. Litvada qisqa vaqt o'ynagan bo'lsam-da, bundan afsuslanmayman. Tajriba to'pladim, Evropa futboli havosini his qildim.

- Sizningcha, Litva birinchi ligasi bizning Pro-ligadan ustun tomonlari bormi?
- Pro-ligamiz ayrim jihatlari bilan Litva quyi divizionidan ustun.

Solibek Karimov Litvadagi faoliyati, "Yangier"ga kelishi haqida nimalar dedi?