"Spartak" – "Tambov" 5:1
"Otkrytie Arena"
Gollar: 1:0 – 27 Larsson, 2:0 – 61 Ponse, 2:1 – 65 Onugxa, 3:1 – 83 Larsson, 4:1 – 87 Jigo, 5:1 – 90 Ponse.
"Spartak" – Maksimenko, Djikiya, Maslov, Jigo, Ayrton, Kral (Litvinov, 90), Mozes (Eshhenko, 84), Umyarov (Markitesov, 90), Bakaev (O'RUNOV 90), Larsson (Kutepov, 84), Ponse.
"Tambov" – Ryjikov, Volodko, Aroyan, Chicherin, Karasev, Kabaxidze, Merenchukov (Anwan, 86), Till, Gigashvili, Onugxa, Karapetyan.
Ogohlantirishlar: Chicherin (83).
Oston O'runov maydonga tushishi bilan bahs yakunlandi.
90+3. O'zgarish: O'runov Bakaev o'rniga maydonga tushdi.
90+2. GOOOOL! 5:1! Ponse Bakaevning uzatmasini golga aylantirdi.
87. GOOOL! 4:1! Jigo o'z jamoasining 4-golini urdi. Qanotdan uzatilgan to'p palapartishlik sabab Jigoning oyog'iga tushdi va himoyachi yaqin masofadan darvozani ishg'ol qildi.
84. "Spartak"da o'zgarish: Larsson o'rniga Kutepov maydonga tushdi, Mozes o'rniga esa Eshenko.
83. GOOOL! Larsson hisobni 3:1 ko'rinishiga keltirdi. Ayrton chap qanotdan raqib jarima maydonchasiga kirib bordi va to'pni Jordanga uzatdi. Larsson esa to'pni posbon ustidan tashlab qo'ydi.
77. Bakaev chap qanot burchak bayroqchasi oldida o'z jamoasi uchun burchak zarbasi ishlab oldi. Biroq standart jamoaga foyda keltirmadi.
70. Goldan ilhomlangan "Tambov" yana bir o'ta xavfli hujum uyushtirdi, qanotdan uzatilgan to'pni "Spartak" posboni qaytargan bo'lsa, hujumning ikkinchi to'lqini aniq zarba bilan yakun topdi. "Spartak"ning baxtiga Maksimenko to'pni ikkinchi urinishda ushlab oldi.
65. GOL! "Tambov" Ponsening goliga tezda javob berdi. Mehmonlarning ajoyib hujumchini Onugxa chiroyli zarba bilan yakunladi va hisobni qisqartirdi.
61. "Spartak" juda qulay vaziyatlardan foydalana olmadi. Avvaliga Larsson Rijikov bilan birga-bir chiqdi, posbon seyv ijro etdi. Qaytgan to'pga Ponse zarba berdi. Himoyachi to'pni darvoza ichidan qaytargandek ko'rindi. VAR ishga tushdi. GOOOL! Hakam gol ekanligini malum qildi.
60. O'zbekistonlik futbol ishqibozlari O'runov maydonga tushishini kutishmoqda, biroq hozircha "Spartak" ustozi o'zgarish haqida o'ylayotgani yo'q.
59. Mozesning "Tambov" jarima maydonchasiga uzatgan to'pi yo'lida hech kim yo'q edi.
46. Ikkinchi bo'lim boshlandi.
TANAFFUS
45. Birinchi bo'limga 1 daqiqa qo'shib berildi.
42. Kral uzoq masofadan "Tambov" darvozasini nishonga olishga urindi, Rijikov seyv ijro etdi va to'pni maydondan tashqariga chiqarib yubordi.
36. "Tambov"ning kam sonli hujumlaridan biri Onugxaning bosh bilan bergan zarbasi orqali yakunlandi. Ammo to'p darvozaga bormadi.
34. Mezbonlar hali ham o'yin bo'yicha raqibdan ustun va bu hisobda ham aks etib turibdi. "Tambov" esa markazdayoq to'pni oldirib qo'ymoqda.
27. GOOOL! "Spartak" hisobni ochdi. Kral qanotdan to'pni Larssonga uzatdi va Jordan to'pni darvozaga burib, o'z nomini tabloga yozdirib qo'ydi.
25. Bu "Spartak"ning joriy yil o'z maydonida o'tkazayotgan so'nggi uchrashuvi. "Qizillar" keyingi ikki turda "Sochi" va "Zenit" mehmoni bo'ladi. Mavsumning ikkinchi qismi esa 2021 yilning fevralidan start oladi.
21. "Tambov" tarkibida muammolar borligiga qaramay "Spartak" hozircha golga tortadigan birorta hujum tashkil qila olmadi.
16. Jigo himoyada xatoga yo'l qo'ydi, ammo to'pni olib qo'ygan Onugxa qulay vaziyatdan foydalana olmadi.
14. O'yin tempi yuqori emas, "Spartak" to'p nazoratini qo'liga olgan va asta-sekinlik bilan kombinacion hujumlar tashkil qilmoqda.
8. Larsson uchrashuvdagi dastlabki aniq zarba muallifiga aylandi, ammo Rijikov to'pni osonlik bilan egallab oldi.
6. Ayrtonga nisbatan qoida buzildi. To'p standartdan "Tambov" jarima maydonchasiga uzatildi va darvozaga berilgan ketma-ket zarbalar esa himoyachilar tomonidan qaytarildi.
1. Uchrashuv boshlandi.
- Jamoalar maydonga chiqib kelishdi.
- Moskvaliklarning o'zbekistonlik xavbeki Oston O'runov ushbu o'yinni zaxiradan boshlaydi. Mehmonlar tarkibida "Lokomotiv" (Moskva)dan ijara asosida o'ynayotgan yarim himoyachimiz Jasur Jaloliddinov esa ayni paytda jamoa bilan birga emas.
ROSSIYA PREMER-LIGASI TURNIR JADVALI VA TO'PURARLAR RO'YXATI BILAN TANISHING
Izohlar