- Олтин медалларни қаерда нишонлашга келишиб олдингиз?

- Аниқ бўлди. 8 июль куни мухлис, ветеран, ҳомий ва санъаткорларни йиғамиз. Байрам уюштирамиз, жамоага олтин медаллар топширилади.

- Яна мухлисларни майдонга чиқариб юборасизми?

- Йўқ, бунақаси такрорланмайди. Аслида авваллари ҳам шундай нишонланар эди. Сўнгги маротаба 1992 йилда бу содир бўлган. Шундан сўнг ғалабалар бироз хотиржамроқ нишонлана бошланди, мухлислар майдонга югуриб чиқишмади. Бу сафар ҳаммаси чиройлироқ бўлди. Байрам фақат стадионда бўлиб, шаҳарда ўтмаганидан хурсандмиз.

- Иван Ургантнинг эфирида чемпионлик ҳақида теннис ва душдан кейин билганингизни айтдингиз. Қандай нишонладингиз? Жамоа эмас - шахсан сиз.

- Оилавий йиғилиш бўлди. Ўғлим ва унинг дўстлари келишди, ўзбек ошини олиб келишди. Бироз вино ҳам ичдик.

- "Спартак" ҳимоясида ротация бўлди: Исаурральде, Серхио Родригес, Фати, Сухи, Пареха, Жоао Карлос, Бризгалов... Бунинг бошқа томони - бир-бирини тушунмаслик.

- Бу савол бош мураббийга. Аммо ротация муҳим.

- РФПЛ тижоратлаштирилишидан мамнунмисиз?

- Кўп ўйинлар Премьер-лиганинг даражасига мос келмаганидан сўнг, қандай қилиб бундан мамнун бўлишим мумкин? Маркетинг - маҳсулот сифатига боғлиқ. Футболни ривожлантириш стратегиясидагида ёзилганидек рус футболининг машҳурлиги ва даражасини кўтариш керак. Бунинг учун миллий жамоанинг муваффақияти керак. Бунга эса - клубда ўстириладиган сифатли футболчилар лозим. Буларнинг барчаси маълум бир шароитда бирлашиши мумкин. Жаҳон чемпионати ва Конфедерациялар Кубоги бунга туртки бўлади деган умиддаман.

- "Спартак" лига йиғилишида қандай ўзгаришларни таклиф қилди?

- Ҳеч қандай.

- Ҳамма нарса сизни қониқтирадими?

- Клуб ички муаммолари билан банд эдик. "Стратегия-2030" конференциясида таклиф билдирганман.

- Айнан қандай?

- Бу муҳимми?

- Агар нимадир қониқтирмаса, клубнинг нияти - вазиятга таъсир кўрсатиш.

- Унга шундай таъсир кўрсатамиз: "Мен каби бажар". Ўзимизнинг намунамизда ишонтирамиз: Россия футболи машҳур бўлиши мумкин. "Спартак"нинг мухлислари сони ортмоқда. Ҳар бир учрашувда етарлича пул ишлаб оляпмиз, аммо ўртача даражадаги РФПЛ жамоасидек. Маркетинг лойиҳаларини ишга туширяпмиз, ҳомийларни жалб қилмоқдамиз ва булар "Спартак"ни севувчи, унинг брендини тушунадиганлар. Савол беришга ҳаққимиз борми: Нега қолганлар бундай қилишмаяпти?

- Тўғрисини айтинг: Хусусий клуб сифатида, давлат жамоалари билан рақобатдан чарчамадингизми?

- Аммо мен ғалабага эришдим-ку!

- "Тушино-2018" лойиҳаси қачон тўлиқф ишга тушади? Қачон пуллар дарё каби оқиб келади?

- Дарёдек оқмайди: Лойиҳа ҳозир барқарорликка яқинлашмоқда. Рубль девалвациясидан сўнг, афсуски, даромадлар тушиб кетди. Фақат валютага боғлиқ бўлган футболчиларнинг маоши ошди. Меҳмонхона, концерт зали, Тушинодаги бошқа инфратузилмалар қурилади. Тез орада клуб базасини топширамиз. Лойиҳа 2027 йилгача мўлжалланган.

- Базани тадбир сифатида очасизлармиз?

- Поезд бироз ўтиб кетди: У ҳозир Конфедерациялар Кубогида ишлатилади.

- Айни дамда "Спартак" футболчиларига трансфер таклифлари борми?

- Харидлар борасида ғоялар бор, аммо уларга изоҳ бермайман. Каррера ўз интервьюсида 3-4 позицияни кучайтириш кераклигини айтган. "Спартак" футболчиларига таклифлар бўлмади.

"Спартак"нинг чемпионлигини ўзбек палови билан нишонладим. Леонид Федуннинг интервьюси