Uchrashuvda O'zbekiston futbol associaciyasi birinchi vice-prezidenti Ravshan Ermatov, O'zbekiston milliy olimpiya qo'mitasi Bosh kotibi Oybek Kasimov ishtirok etdi.

Suhbat davomida ikki mamlakatlar o'rtasida sport sohasidagi hamkorlikning hozirgi holati, kelgusidagi istiqbollari va hamkorlik rejalari muhokama qilindi.

Elchi janoblari Argentina Yangi O'zbekistonni rivojlantirish strategiyasining amalga oshirilish jarayonini katta qiziqish bilan kuzatayotganini, bu borada O'zbekiston bilan hamkorlikni har tomonlama rivojlantirishni ustuvor vazifa deb bilishi va ikki tomonlama aloqalar yo'lida qatiy amaliy choralar ko'rishga tayyor ekanligini malum qildi.

Sportni rivojlantirish vaziri Adxam Ikramov tomonidan ham Argentina mamlakati sport sohasida, xususan futbolda ko'plab yutuqlarga erishgani va bu borada O'zbekiston futboli uchun katta tajriba almashish uchun yaxshi imkoniyat ekanligini takidladi.

O'FA birinchi vice-prezidenti Ravshan Ermatov Argentina futboli jahon miqyosida ulkan nufuzga ega ekanligini qayd etib, ikkala mamlakatning barcha yosh toifalarida, xususan, milliy terma jamoalar hamda klublar o'rtasida o'rtoqlik uchrashuvlarini o'tkazish, futbol murabbiylarini tajriba almashish uchun Argentina murabbiylar markaziga yuborish yuzasidan o'z takliflarini bildirib o'tdi.

Elchi janoblari Eduardo Antonio Zuaynni mazkur takliflarni qo'llab quvvatlagan holda, hamkorlikka tayyor ekanligini malum qildi.

Uchrashuv davomida kelgusida hamkorlikda tashkil etiladigan tadbirlar hamda loyihalari muhokama qilindi.

Sportni rivojlantirish vazirligida Argentina elchisi bilan uchrashuv bo'lib o'tdi