"Stadionlarga qaytamiz" – "La Gazzetta dello Sport"ning oxirgi soni muqovasida shunday sarlavha aks etgan. Shuningdek, birinchi sahifada - umidvor nigohli bolakay.

Italiya hukumati Evropa chempionati uchrashuvlarini stadionlarda tomoshabinlar bilan o'tkazishga ruxsat berdi. Rejaga ko'ra, Rimda 4ta o'yin bo'lib o'tishi lozim:

Italiya – Turkiya, 11 iyun
Italiya – Shveycariya, 16 iyun
Italiya – Uels, 20 iyun
Chorak final, 3 iyul

"Olimpiko" stadionidagi o'yinni tribunalardan 15,5 ming muxlis tomosha qilishi mumkin - stadion umumiy sig'imining 25%.

Endi Liga prezidenti Paolo Del Pino chempionat uchrashuvlariga tifozini ham kiritishga ruxsat berishlarini istamoqda.

"Biz yaqin orada stadionlarga hech bo'lmasa ming nafar muxlisni qaytarishimizga ruxsat berishlariga umid qilamiz, - deydi Dal Pino. - Stadionlarning ochilishi bo'yicha qaydnomalar bir yildan buyon muhokamada. Chempionatning oxirgi uchrashuvlarida, "Evro"dagi kabi tribunalarda 25% tomoshabin bo'lishini istardik. Bu yirik musobaqa oldidan o'ziga xos test ham bo'lardi".

Albatta, bu normal hayot tarziga qaytish uchun katta qadam. Tomoshabinlar uchun ham ajoyib yangilik bo'lardi. Ammo bunda klublarga yordam ham bor. Bo'sh tribunalarda o'tgan uchrashuvlar - moliyaviy jihatdan ulkan yo'qotishlarni anglatadi. Mavsum so'ngida esa katta, muhim uchrashuvlar ayniqsa ko'p bo'ladi. Ular orqali klublar ko'p bo'lmasa-da foyda ko'rishlari mumkin edi. A Seriyaning 37-turida "Yuventus" uyda "Inter"ni qabul qiladi, "Roma" esa derbida "Lacio" bilan to'qnash keladi, 38-turda – "Atalanta" "Milan"ga qarshi maydonga tushadi.

Nozima Zaripova tarjimasi