Бу ғалабадан сўнг Клаудио Раньери бошчилигидаги "тулкилар" Англия премьер-лигасида яна пешқадам бўлиб олишди. "Лестер" бир йил олдин АПЛда 16та турдан сўнг 10 очко билан мусобақа жадвалининг энг сўнгги (!) поғонасида жойлашганди. Роппа-роса бир йилдан сўнг бу жамоа дунёнинг энг томошабоп лигасида биринчи ўринга чиқиб олди. Қизиғи ўтган мавсум шу даврда биринчи ўринда борган Лондоннинг "Челси" клуби эса бу йил 15 очко тўплаб 16-поғонада бормоқда. "Лестер" бир йил олдин 16та турда рақиблар дарвозасига бу йил Жейми Варди урган голлар билан тенг миқдорда тўп киритган!

Биз Европанинг топ-5 чемпионатларини таққослаб чиқишга қарор қилдик. Бир йил олдин худди шунча ўйиндан кейин қайси жамоа қандай поғонада эди?

АПЛ-2015

АПЛ-2016

Ўтган йил билан таққосласак фақат Европа топ-5 чемпионатларининг фақат биттасида пешқадам ўзгармаган. Бу Германия бундеслигасидир. "Бавария" 2015 йилда ҳам, ҳозир ҳам ўз чемпионатида катта фарқ билан пешқадамлик қилмоқда. Бир йил олдин Дортмунднинг "Боруссия" клубининг аҳволига ҳавас қилиб бўлмасди. Клопп бошчилигидаги жамоа 16та ўйинда 15 очко тўплаб мусобақа жадвалининг 16-поғонасида эди. Ҳозир эса Томас Тухель бошчилигидаги дортмундликлар "Бавария"ни изма-из таъқиб қилиб келишмоқда. Қизиғи 2015 йил "Боруссия" 16та ўйинда 17та гол урганди, 2016 йилги мавсумда клуб ҳужумчиси Пьер Эмерик Обамеянгнинг бир ўзи 16та учрашувда 18та тўп киритди.

Германия-2015

Германия-2016

Франция чемпионатида ҳам ўзгаришлар етарлича. Бир йил муқаддам чемпионатда "Марсель" клуби пешқадамлик қилаётганди. ПСЖ иккинчи ўринда эди. Ҳозир Париж клуби катта фарқ билан биринчи ўринда бўлса, "Марсель" 9-поғонани эгаллаб турибди. Бу йил иккинчи ўринда бораётган "Анже" клуби ўтган йил лигада умуман йўқ эди. Дебютант жамоа "Монако" билан бир хил очко тўплаб ПСЖни қувишда давом этмоқда.

Франция-2015

Франция-2016

Аппенин ярим оролларида 2015 йил 16та турдан сўнг "Ювентус" атига битта мағлубият билан якка пешқадам эди. Айни пайтда туринликлар тўртинчи поғонани эгаллаб туришибди. Римнинг "Лацио" клуби ўтган йил лигада учинчи эди, ҳозир эса 12-поғонада бормоқда. "Милан" барқарор ўйин кўрсатишда давом этмоқда. Сабаби "россонерлар" бир йил олдин ҳам ҳозир ҳам 25 очко билан 7-ўринда қайд этилган. Милан шаҳрининг яна бир жамоаси ҳисобланган "Интер" эса 2015 йилда 11-ўринда бораётганди. Айни пайтда "нерадзуррилар" Италия А сериясининг энг чўққисида боришмоқда.

Италия-2015

Италия-2016

Ла Лигада ўтган йил Мадриднинг "Реал" клуби 55та гол уриб, 39 очко билан пешқадам эди. Ҳозир Рафаэль Бенитес бошчилигидаги жамоа 32та гол ва 30 очко билан учинчи поғонада бормоқда. Бир йил олдин "Барселона" 36та гол ва 35 очко билан иккинчи эди. Бу йил ҳам 15та турдан сўнг каталонияликлар 36та гол уришди ва 35 очко жамғаришди, лекин жамоа биринчи ўринда. 2015 йил мавсумнинг шу даврида 9-ўринда борган "Сельта" ҳозир 4-ўринни эгаллаб турибди.

Испания-2015

Испания-2016

Статистика алдамайди ёхуд бир йил олдин "Лестер" қайси поғонада эди?