“Inter” birinchi bo'limda yaxshiroq o'ynadi va ikkita gol urdi, “Milan” ikkinchi bo'limda yaxshiroq o'ynadi va gol ura olmadi. Bu futbol. “Inter” birinchi bo'limda yaxshiroq va samaraliroq o'ynadi, biz esa ular shunday o'ynashga imkon yaratib berdik.

Ettinchi daqiqagacha “Inter” bizning jarima maydonchamizga ham kirmadi, keyin esa birinchi burchakdan keyin gol urdi. Shubhasiz, biz ushbu vaziyatda yaxshiroq harakat qilishimiz lozim edi. Biz bugungi uchrashuvda boshqacha natijaga erishmoqchi edik, ammo bugungi natijaga qaramasdan biz ishonishda davom etamiz. Chunki ikkinchi o'yinda barchasi boshqacha bo'lishi mumkin.

Biz tajovuzkor bo'lishni maqsad qilgandik, lekin bugun “Inter” ko'p 50-50 vaziyatlarda yaxshiroq harakat qildi va bu ularga o'yinni nazorat qilishiga yordam berdi. Shuningdek, ular dastlabki ikkita vaziyatdan unumli foydalandi, bu esa bizga yanada qiyinchiliklarni keltirdi.

Ikkinchi bo'limda imkoniyatlarimiz bo'ldi, tabiiyki, ikkinchi o'yinda ham tajovuzkor bo'lishimiz kerak. Yigitlar bu biz kutgan o'yin va natija emasligini yaxshi bilishadi, hafsalasi pir bo'ldi, lekin bizda vaziyatni o'zgartirish imkoniyati borligini bilishadi.

Leau? Ko'ramiz. U bugun maydonga tushadigan holatda emas edi, olti kun qoldi va u tayyor bo'ladi deb umid qilamiz”, - deya gapini yakunladi Pioli.

Stefano Pioli: “Inter” birinchi bo'limda yaxshiroq va samaraliroq o'ynadi, biz esa ular shunday o'ynashga imkon yaratib berdik"