Эслатиб ўтамиз, 2024 йил сентябрда Франция профессионал футбол лигаси (LFP) парижликларни ёзда "Реал"га бепул ўтган ҳужумчига иш ҳақи ва бонуслар бўйича қарзни тўлашга мажбур қилган эди. Кейинроқ Мбаппе тўловлар амалга оширилмагани учун LFP интизом қўмитасига мурожаат қилди, аммо бу мурожаат рад этилди, чунки клуб Париждаги судга LFPга қарши даъво аризаси билан мурожаат қилган.

Апрель ойида суд қарори билан ПСЖнинг ҳисобларида клубнинг Мбаппе олдидаги 55 миллион евролик қарзи миқдорида ҳибс қўйилган эди. Парижликлар бу қарорни бекор қилишни талаб қилди.

Бугун суд клуб томонини олиб, "эҳтиёт чораси" доирасида қўйилган пуллар ҳибсини бекор қилди. Иш меҳнат низолари бўйича судда кўриб чиқилиши давом этади.

Суд ПСЖнинг 55 миллион евро миқдоридаги маблағига қўйилган ҳибсни олиб ташлади. Тергов давом этмоқда