Ushbu bosqichda “Qo'qon-1912” klubi futbolchisi Suhrob Berdiev g'oliblikni qo'lga kiritdi va o'z fikrlari bilan o'rtoqlashdi.

“Final bosqichi juda ham ajoyib o'tdi. Savollar ham qiziqarli bo'ldi, kayfiyatimiz ancha ko'tarildi. To'g'risini aytsam, ushbu loyihada g'olib bo'laman, deb o'ylamagandim. Lekin g'alaba qozonish uchun bor bilimlarimni isga soldim.

Ot to'g'risidagi savol juda ham qiziqarli bo'ldi. Ushbu savol menga yoqdi. Final bosqichida Shohruz Norxonovga qarshi kurashda biroz qiyinchiliklar bo'ldi. Shohruz ham yaxshigina bilimga ega ekan.

Kelasi yilgi mavsumda chempionatimiz tur uchrashuvlariga qarab, o'yindan oldin kim-kimga qarshi o'yin o'tkazsa, o'sha jamoaning bittadan futbolchilarini loyihaga taklif etib, ular ishtirokida savol-javob qilsanglar, o'ylaymanki juda ham qiziqarli bo'lardi. "Brain ring" loyihasining ilk mavsumida chempion bo'lganimdan xursandman”, - deydi "Brain ring" g'olibi “Qo'qon-1912” klubi hujumchisi Suhrob Berdiev.

Suhrob Berdiev: “Chempion bo'lganimdan xursandman”