Turnir jadvalining yuqori va pastki qismlarini qaysi jamoa egallashi, yani kim chempion bo'ladi, kim birinchi ligaga ravona bo'lishi haqidagi savolga aynan 29 va 30-turlardan so'nggina aniq javob olamiz. Biz “Qo'qon-1912” - “So'g'diyona” bahsi oldidan yo'qonliklar yarim himoyachisi Suhrob Qobilov bilan suhbatlashdik.

- Suhrob sizni “So'g'diyona” bilan bo'lajak o'yin haqidagi fikrlarigizni bilmoqchi edik.
- Albatta bu uchrashuv muxlislarbop chiroyli o'yin bo'ladi deb o'ylayman. Bizning jamoa g'alaba uchun maydonga chiqadi. O'z maydonimizdagi so'nggi o'yinda muxlislarga g'alaba tortiq qilishga harakat qilamiz.

- Siz birinchi davrani jizzaxliklar safida o'tkazib, ikkinchi davrada Qo'qonda to'p tepdingiz. Qaysi jamoani imkoniyatlarini yuqori baholaysiz?
- Bu o'yinda hech kimga oson bo'lmaydi. “So'g'diyona” oxirigacha kurashadigan jamoa. Biz esa o'z maydonimizda o'ynaymiz. Uyingda devorlar ham yordam beradi deyishadiyu, muxlislarimizni qo'llab turishlari bizga qo'shimcha kuch-quvvat beradi deb o'ylayman. Albatta maydon egasining imkoniyatlari yuqori deb o'ylayman.

- Jizzaxliklar tarkibida yo'qotishlar bor. Muqim Toshmatov va Dilmurod Ikromovlar maydonga tushishmaydi. Bu balkim sizlarga bir oz engillik berar.
- Men engil bo'ladi deb o'ylamayman. Futbol jamoaviy o'yin. Bir yoki ikki kishini o'yiniga butun jamoani o'yini bog'liq emas. Bizda ham Jalil Kimsanov tushmaydi. Har ikkala jamoada bir-birlarini o'rnini bilintirmaydigan futbolchilar etarli.

- Siz birinchi davrada “Qo'qon-1912” jamoasiga gol urgansiz, balki ertaga “So'g'diyona”ga gol urarsiz?
- Futbolchi doim gol urishni xohlaydi. Agar murabbiyimiz tarkibga kiritsa, professional futbolchi sifatida albatta gol urishga harakat qilaman. Birinchi davrada o'z vazifamni bajarganman endi Qo'qonda o'ynayapman yana murabbiy bergan vazifani bajaraman.

Akramjon Mamadaliev suhbatlashdi.

Suhrob Qobilov: “So'g'diyona” bilan muxlislarbop o'yin bo'ladi"