Biroz avval mankunianliklar bosh murabbiyi Ole-Gunnar Sulsher ishtirokida matbuot anjumani bo'lib o'tdi.

- Deniel Jeyms katta ehtimol bilan bu o'yinni ham o'tkazib yuboradi. Markus (Reshford) va Pol (Pogba) hozircha o'ynashga tayyor emas. O'ylashimcha, Aaron (Van-Bissaka) ham o'ynay olmaydi. Bugun u tekshiruvdan o'tadi, ammo u "Everton" bilan bahsda belida og'riq his qildi. Shunday ekan, u ertaga to'p tepa olmasligi mumkin.

Pol Pogba haqida

"Pol ochiq maydonda fizioterapevt bilan ishlashda davom etmoqda va keyingi haftaga qadar asosiy jamoa bilan birga shug'ullanmaydi. Keyin esa u formasini qachon tiklashini ko'ramiz, buning uchun vaqt kerak".

De Xeaning o'rniga Romero o'ynaydimi?

"Buni hal qilib ulgurmadik. Romero o'ynagan bellashuvlarda o'zini yaxshi ko'rsatdi. Ochig'ini aytsam, David har bir uchrashuvda ishtirok etayotgani uchun vijdonim qiynalmayapti. U ajoyib o'ynaydi, seyvlar qiladi".

Ueyn Runining qaytishi haqida

"U "Manchester Yunayted" uchun qantastik o'yinchi bo'lgan va bu erda uzoq yillar o'ynagan. U klubning eng yaxshi to'purari, u juda ko'p sovrinlar yutgan. Muxlislar buni qadrlashadi deb o'ylayman. Agar uchrashuv "Old Trafford"da o'tganida muxlislar Runini qaynoq kutib olishgan bo'lardi".

Brunu Fernandeshning jamoaga qo'shayotgan hissasi

"Hayron qolmayapman, chunki uning maydonda nimalar qila olishini va uning etakchilik sifatlarini ko'ryapman. Biz aynan shunday tasirni kutgan edik, lekin yuz foiz amin emasdik. Bazi o'yinchilar uchun adaptaciyaga 6 oy kerak bo'ladi. Ammo, biz uni sifatlari uchun qo'lga kiritishni istagandik. Brunuga bu erlar yoqmoqda. U jamoani ruhlantirib, atmosferani yaxshilamoqda".

Sulsher "Derbi"ga qarshi o'yindan oldingi matbuot anjumanida Pogba, Brunu va jarohatlanganlar haqida gapirdi