"Ikkinchi bo'limda tempni ko'tara oldik, maydonning uchinchi qismidagi hujumlarda esa bosimni oshirdik. Evrokuboklar safar o'yinlaridan keyin barchaga og'ir bo'ladi. Ushbu mavsumda juda ko'p o'yinlarda qatnashyapmiz.

Tanaffusdan keyin esa uyg'ona oldik. Dastlabki bo'limda to'pga egalik qilgan bo'lsak-da, vaziyatlar yarata olmadik. Bugun to'p bilan aqlli o'ynash kerak edi. Ikkinchi bo'limda pozicion o'yinimiz yaxshilandi va gollar urib oldik.

Deniel Jeyms hech qaerga yo'qolib qolmagan. U doim mashg'ulotlarda yuqori tempda ishlaydi va o'yinlarga shay holatda bo'lib turadi. Tezligi va kuchini inobatga olsak, uni ko'plab poziciyalarda o'ynatib ko'rish mumkin. Den o'yinlarga tezda moslashib oladi, undan juda xursandman.

Ha, u bilan ham ishlaymiz, albatta. Barcha bilan ishlaymiz. Gap shundaki, u Chempionship jamoasidan "Manchester Yunayted"ga keldi va bu erda ko'plab chiroyli gollar urdi. Matbuotning sarlavhalari va boshqa ko'plab detallar undan energiyani olib qo'ya olmadi. Endi u o'zini qo'lga olib, oldingi holatiga qaytib olishi kerak.

Standartlardan keyingi xavf? Ha, boshida "Nyukasl" ko'plab vaziyatlar yarata oldi va ularning barchasi standartlardan keyin sodir bo'ldi. Har doimgidek qo'pol xatomizdan keyin gol o'tkazib yuborganimizdan xafa bo'ldim. Ikkinchi bo'limda esa bunga yaxshi reakciya bera oldik. Futbolda syurprizlar juda ko'p. Oldindan hech nima deb bo'lmay qoldi.

Sovrin uchun kurash? Biz boshqa jamoalarni nazorat qila olmaymiz va faqatgina o'zimizga etibor bera olamiz. Ushbu mavsum bizdan ko'p narsalarni talab qilmoqda va har bir daqiqa o'tgani sayin "Manchester Yunayted"ni qaytarishga harakat qilyapmiz.

Shortayr? Unga qattiq ishonamiz. Tarkibimizda u hali juda ko'p o'yinlarda qatnashadi. Shola yaxshi mashg'ulot qilmoqda. Menimcha uning kelajagi porloq va klubning afsonaviy futbolchilaridan biriga aylana oladi.

Uni ertaroq maydonga tushirishimiz mumkin edi. Uchinchi gol urilib, yaxshi himoyalanayotganimizdan keyin bu qarorga keldik", - dedi Sulsher.

Sulsher: "Ikkinchi bo'limda uyg'ona oldik"