Ushbu bahsdan avval tajribali jurnalist va sharhlovchi, "Futbol Olami" ko'rsatuvi boshlovchisi Abror Imomxo'jaevning fikrlari bilan qiziqdik.

"Maksim Shackixning o'yin oldidan bildirgan "Nasaf"dagi yo'qotishlar katta muammo bo'lsa, men "Paxtakor"dagi muammolar haqida gapirmasam ham bo'lar ekan" degan firiga to'liq qo'shilaman. "Nasaf"da yagona muammo - markaziy himoyada o'yinchilarning etishmovchiligi bo'lishi mumkin, lekin "Paxtakor"da bundan foydalanadigan hujumchi yo'q. Cheran standart vaziyatlardan foydalanishi mumkin, lekin pozicion va qarshi hujumlarda uning tezligi pand berishi aniq.

"Paxtakor"da esa muammolar etarli va bu birinchi navbatda tajribali o'yinchilar klubni tark etgani bilan bog'liq. Fikrimcha, uchrashuvda kim g'alaba qozonishi "Nasaf"ga bog'liq. Agar "ajdarlar" tartibli harakat qilib, o'z o'yinlarini namoyish etsalar, "sherlar" ularga bas kela olishmaydi...", - dedi Abror Imomxo'jaev championat.asia saytiga.

Superkubok oldidan. Abror Imomxo'jaev: "Uchrashuvda kim g'alaba qozonishi "Nasaf"ga bog'liq"