Бугун "Насаф" ўз майдонида "Металлург"ни қабул қилса, Суперлига дебютанти "Олимпик" сафарда "Қўқон-1912" меҳмони бўлади. Қолган учрашувлар 10 ва 11 март кунлари бўлиб ўтади.

Дастлабки тур голларга бой бўлмади. Мухлислар еттита баҳсда 6та гол гувоҳи бўлишди. Агар ўтган йил билан таққослайдиган бўлсак, бу 9тага кам дегани. Чунки ўтган йил Суперлига биринчи турида дарвозаларга жами 15та тўп киритилганди.

Телеграм каналимизга 1-турнинг ЭНГ КУТИЛМАГАН НАТИЖАСИ қайси мазмунида сўровнома қўйгандик. 10 минг нафарга яқин мухлис қатнашган сўровда энг кўп овозни (35 фоиз) "Металлург" - АГМК баҳси олди. Биласиз, Миржалол Қосимов бошқарувидаги жамоа илк турда кутилмаганда 0:1 ҳисобида мағлубиятга учради.

Бу борада "Қизилқум" - "Локомотив" (2:0) учрашуви 27 фоиз билан иккинчи, "Наавбаҳор" - "Насаф" (0:0) беллашуви эса 18 фоиз билан учинчи бўлди.

P.S. 2021 йилги Суперлига 2-турида 11та гол урилган экан. Бу сафар нечта бўлишини тур ўйинлари якунлангач билиб оламиз.

Суперлига 1-турида 6та гол бўлди. Иккинчи турда нечта гол кўрамиз?