Bu mavsumda 182ta o'yin o'tkazildi. Darvozalarga 419ta to'p kiritildi (o'rtacha har bir o'yinga 2,3tadan to'p to'g'ri keladi).

Paxtakor, Bunyodkor va So'g'diyona o'z maydonda mag'lub bo'lishmadi. Turon safarda umuman yuta olmadi.

Paxtakor o'z maydonida darvozasidan eng kam to'p o'tkazib yubordi – 5ta. Andijon esa o'z maydonida darvozasidan eng ko'p to'p o'tkazib yubordi – 19ta.

So'g'diyona safar uchrashuvlarida o'z darvozasidan eng kam – 8ta gol o'tkazib yuborgan. Surxon safar uchrashuvlarida o'z darvozasidan eng ko'p – 28ta to'p olib chiqdi.

Nasaf o'z maydonida eng ko'p gol urgan – 29ta. Turon o'z uyida eng kam 9ta gol urdi.

Paxtakor safar uchrashuvlarida eng ko'p to'p kiritdi – 25ta. Surxon safar uchrashuvlarida eng kam to'p kiritdi – 6ta.

Paxtakor o'z maydonida eng ko'p ochkoni qo'lga kiritdi – 35ta. Andijon o'z maydonida eng kam ochko yig'di – 11ta.

Safar uchrashuvlarida ham sherlar eng ko'p ochkoni qo'lga kiritishgan – 25ta. Turon safar uchrashuvlarida eng kam ochkoni qo'lga kiritgan – 4ta.

Superligada urilgan 419ta goldan 236tasi (56,32%) mezbonlar, 183tasi (43,68%) mehmonlar hisobiga yozildi.

Bo'lib o'tgan 182 uchrashuvning 83tasida (45,6%) maydon egalari, 51tasida (28,02%) mehmonlar zafar quchishgan. Yana 48 o'yinda (26,37%) esa tomonlar murosa ko'chasini tanlaganlar.

Mavsum davomida futbolchilar jami 830 bor sariq kartochka bilan jazolandilar (o'rtacha har bir o'yinga 4,56tadan kartochka to'g'ri keladi). 36 marta futbolchilarga qizil kartochka ko'rsatildi (o'rtacha har bir o'yinga 0,2tadan chetlatish to'g'ri keladi).

Uchrashuv hakamlari 76 marta 11 metrlik belgini ko'rsatishdi. 57 holatda (75%) to'p darvozaga kiritildi. 19 vaziyatda esa to'p darvozaga “kirishni” xohlamadi.

Chempionatda 12ta avtogol qayd etildi. Akmal Mozgovoy (Nasaf), Luka Chermel (So'g'diyona), Husniddin Aliqulov (Nasaf), Martin Boake (Andijon), Kamoliddin Tojiev (Metallurg), Ivan Yosovich (Qo'qon-1912), Igor Golban (Navbahor), Akrom Komilov (AGMK), Asror G'ofurov (Surxon), Nizomiddin Ziyovutdinov (Turon), Salim Mustafoev (Qizilqum), Ibrohim Otaxonov (Andijon) o'z darvozalariga to'p kiritib qo'yishdi.

Mavsum davomida 28ta dubl qayd etildi. 22 futbolchi bir uchrashuvda ikki martadan gol urdi. Temurxo'ja Abduxoliqov (Lokomotiv) 3 marta, Husayn Norchaev (Nasaf), Sherzod Temirov (Paxtakor), Ibrohim Tomiva (Bunyodkor), Dragan Cheran (Paxtakor) 2 martadan dublga erishishdi.

2021 yilgi Superligada ikki marta xet-trik kuzatildi. Qizig'i har ikkala xet-trik ham Paxtakor futbolchilari hisobiga yozildi. Dragan Cheran Qizilqum darvozasiga uchta gol urgan bo'lsa, Hojimat Erkinov Lokomotiv bilan bahsda shunday natija qayd etdi. Eslatib o'tamiz, Cheran 2019 va 2020 yilgi mavsumlarda ikki martadan xet-trik qayd etgandi.

Chempionatdagi 182 uchrashuvidan 15tasida yirik hisob qayd etildi. Paxtakor eng ko'p 7ta yirik hisobdagi g'alabaga erishdi. Chempionatning eng yirik hisobi Nasaf – Surxon (hisob – 6:0, 6-tur) uchrashuvida qayd etildi.

Bo'lib o'tgan 182 uchrashuv 15 xil natija bilan yakunlandi. 1:0 hisobi eng ko'p – 47 marta, 2:1 – 35 marta, 1:1 va 0:0 – 19 martadan, 2:0 – 17 marta, 2:2 va 3:1 – 10 martadan, 3:2 – 8 marta, 3:0 – 6 marta, 4:1 – 3 marta, 4:0, 5:0 va 4:2 – 2 martadan, 6:0 va 5:1 – 1 martadan uchradi.

Superliga-2021 seriyalari

Eng uzun seriyalar – Jamoalar

G'alabali seriya – Paxtakor - 8 uchrashuv
Mag'lubiyatsiz seriya – Paxtakor - 18 uchrashuv
Durangli seriya – Andijon - 4 uchrashuv
Durangsiz seriya – Metallurg - 15 uchrashuv
G'alabasiz seriya – Turon - 11 uchrashuv
Mag'lubiyatli seriya – Andijon - 7 uchrashuv
Golli seriya – Qo'qon-1912 - 18 uchrashuv
Golsiz seriya – Turon - 5 uchrashuv
Ketma-ket gol o'tkazish seriyasi – Metallurg - 18 uchrashuv
Quruq seriya – Navbahor va Paxtakor - 6 uchrashuv
Yirik g'alabali seriya - Paxtakor - 2 uchrashuv
Yirik mag'lubiyatli seriya – Surxon - 2 uchrashuv
Yirik g'alabasiz seriya – Navbahor, Andijon, Qizilqum, Surxon, Metallurg, Qo'qon-1912, AGMK, Mashal va Turon - 26 uchrashuv
Yirik mag'lubiyatsiz seriya – Paxtakor, Navbahor, So'g'diyona, Nasaf va Qizilqum - 26 uchrashuv
Chetlatishli seriya - Mashal - 2 uchrashuv
Chetlatishsiz seriya – Navbahor - 22 uchrashuv

Eng uzun seriyalar – Futbolchilar

Golli seriya – Dragan Cheran (Paxtakor) - 4 uchrashuv 5ta gol, Xurshid G'iyosov (Bunyodkor) - 4 uchrashuv 4ta gol, Temurxo'ja Abduxoliqov (Lokomotiv) - 4 uchrashuv 4ta gol, Erkin Baydullaev (Qizilqum) - 4 uchrashuv 4ta gol.
Quruq seriya (darvozabon) – O'tkir Yusupov (Navbahor) - 6ta o'yin, 661 daqiqa.

Eng, eng, eng …

– eng ko'p g'alabaga erishgan jamoa: Paxtakor 19ta.

– eng kam g'alabaga erishgan jamoa: Turon 3ta.

– eng ko'p durangga erishgan jamoa: So'g'diyona 11ta.

– eng kam durangga erishgan jamoa: Metallurg 1ta.

– eng kam mag'lub bo'lgan jamoa: So'g'diyona 3ta.

– eng ko'p mag'lub bo'lgan jamoa: Metallurg 17ta.

– eng ko'p to'p kiritgan jamoa: Paxtakor 51ta.

– eng kam to'p kiritgan jamoa: Turon 16ta.

– eng ko'p to'p o'tkazib yuborgan jamoa: Surxon 43ta.

– eng kam to'p o'tkazib yuborgan jamoa: So'g'diyona 15ta.

– eng ko'p yirik g'alabaga erishgan jamoa: Paxtakor 7ta.

– eng kam yirik g'alabaga erishgan jamoa: Navbahor, Andijon, Qizilqum, Surxon, Metallurg, Qo'qon-1912, AGMK, Mashal va Turon - 0.

– eng kam yirik mag'lubiyatga uchragan jamoa: Paxtakor, Navbahor, So'g'diyona, Nasaf va Qizilqum - 0.

– eng ko'p yirik mag'lubiyatga uchragan jamoa: Surxon 4ta.

– maydonga tushgan eng yosh futbolchi: Muhammadali O'rinboev (Paxtakor, 16 yosh 183 kunligida)

– maydonga tushgan eng yoshi katta futbolchi: Kamoliddin Tojiev (Metallurg, 38 yosh 202 kunligida)

– gol urgan eng yosh futbolchi: Umarali Rahmonaliev (Bunyodkor) 18 yosh 65 kunligida)

– gol urgan eng yoshi katta futbolchi: Kamoliddin Tojiev (Metallurg, 37 yosh 321 kunligida)

– sariq kartochka olgan eng yosh futbolchi: Umarali Rahmonaliev (Bunyodkor) 18 yosh 45 kunligida)

– sariq kartochka olgan eng yoshi katta futbolchi: Kamoliddin Tojiev (Metallurg, 38 yosh 60 kunligida)

– qizil kartochka olgan eng yosh futbolchi: Odiljon Abdumajidov (Metallurg) 19 yosh 311 kunligida)

– qizil kartochka olgan eng yoshi katta futbolchi: Lutfulla To'raev (Bunyodkor, 33 yosh 205 kunligida)

– o'yinchilarining o'rtacha yoshi eng kichik bo'lgan jamoa: Andijon (23,8 yosh)

– o'yinchilarining o'rtacha yoshi eng katta bo'lgan jamoa: Qizilqum (30,6 yosh)

– eng ko'p to'p kiritgan futbolchi: Dragan Cheran (Paxtakor) - 16ta gol.

– bitta o'yinda eng ko'p to'p kiritgan futbolchi: Dragan Cheran va Hojimat Erkinov (ikkalasi Paxtakor) - 3ta gol.

– maydonda eng ko'p harakat qilgan futbolchilar: O'tkir Yusupov (Navbahor) va Ignatiy Nesterov (Qizilqum) – 26 o'yin 2340 daqiqa (barcha o'yinlarda o'zgarishsiz).

– eng ko'p sariq kartochka olgan futbolchi: Iskandar Shaykulov (So'g'diyona) – 12ta.

– eng ko'p qizil kartochka olgan futbolchilar: 36 nafar futbolchida – 1tadan.

– eng ko'p kartochka olgan jamoa: Andijon – 73ta (71ta sariq va 2ta qizil kartochka).

– eng kam kartochka olgan jamoa: Surxon – 48ta (46ta sariq va 2ta qizil kartochka).

– eng ko'p sariq kartochka olgan jamoa: Andijon va So'g'diyona – 71tadan

– eng kam sariq kartochka olgan jamoa: Nasaf – 44ta

– eng ko'p qizil kartochka olgan jamoa: Nasaf – 6ta

– eng kam qizil kartochka olgan jamoa: So'g'diyona, Navbahor, Qo'qon-1912, Lokomotiv va Qizilqum – 1tadan

– eng ko'p penalti tepgan jamoa: Lokomotiv - 11ta

– eng kam penalti tepgan jamoa: Surxon va Turon - 3tadan

– darvozasiga eng ko'p penalti belgilangan jamoa: Mashal - 9ta

– darvozasiga eng kam penalti belgilangan jamoa: Paxtakor - 1ta

– eng ko'p penalti tepgan futbolchi: Temurxo'ja Abduxoliqov (Lokomotiv) va Dragan Cheran (Paxtakor)- 8tadan.

– penaltidan eng ko'p gol urgan futbolchi: Temurxo'ja Abduxoliqov (Lokomotiv) va Dragan Cheran (Paxtakor)- 8tadan.

– penaltidan eng ko'p gol ura olmagan futbolchi: Elguja Grigalashvili (Qizilqum) va Stanislav Andreev (Metallurg)- 2tadan.

– eng ko'p “quruq” uchrashuv o'tkazgan darvozabon: Milan Mitrovich (So'g'diyona) va O'tkir Yusupov (Navbahor)- 12tadan.

– eng ko'p qayd etilgan hisob: 1:0 (47 marta).

– eng yirik hisob: Nasaf – Surxon 6:0

– eng ko'p gol kiritilgan daqiqalar oralig'i: 85-90 (54ta gol).

– eng kam gol kiritilgan daqiqalar oralig'i: 5-10 va 15-20 (14tadan gol).

– eng tezkor gol muallifi: Xurshid G'iyosov (Bunyodkor, 26-tur) - 19-sekund.

– eng kech gol muallifi: Mirjahon Mirahmadov (Bunyodkor, 19-tur) – 90+9-daqiqa.

Superliga-2021. Mavsumning yakuniy statistikasi