Championat.asia ўтказилган баҳслар асосида тур лауреатларини аниқлади.

Чемпионлик учун курашаётган Наманганнинг "Навбаҳор" жамоаси бу тур Бекободда меҳмон бўлди. Ўйин давомида "Металлург" рақиб дарвозаси томон кўплаб зарба берди аммо гол ура олмади, бунга "лочинлар" посбони Ўткир Юсупов "айбдор". "Навбаҳор" дарвозабони Ўткир Юсупов Championat.asia сайти талқинига кўра, 25-турнинг энг яхши дарвозабони деб топилди.

Бу турда "Бунёдкор" ярим ҳимоячиси Умарали Раҳмоналиев "Қўқон-1912"га қарши баҳсда жарима майдончаси ташқарисидан чиройли гол урди ва тур голига муаллифлик қилди. ВИДЕО

Чемпионлик учун курашаётган "Насаф" ўз майдонида "Нефтчи"ни қабул қилди. Шу ўйингача пешқадамлик қилаётган "аждарлар"ни фақат ғалаба қониқтирарди. "Нефтчи" эса учрашувдан аввал лигада қолиш вазифасини уддалаб бўлганди. Шунга қарамай фарғоналиклар сафарда ғалабага эришишди ва "Насаф"ни учинчи ўринга тушириб юборишди. Мусобақа жадвали томонидан олиб қараганда ўзи учун кераксиз бўлган баҳсда ғалабага эриша олгани учун, Championat.asia сайти талқинига кўра, Виталий Левченко 25-турнинг энг яхши мураббийи дея эътироф этилди.

Қаршидаги баҳсда "Нефтчи"нинг ўйинини бошқарган футболчи тажрибали Лутфулла Тўраев бўлди. Айнан у рақиб ҳужумларини тўхтатиш ва ўз жамоасининг ҳужумини бошлашда фаол бўлди. Якунда "Нефтчи" Қаршидан 3 очко билан қайтди. Шу боис, Лутфулла Тўраев Championat.asia талқинига кўра 25-турнинг энг яхши футболчиси деб топилди.

Ўзбекистон чемпионати турнир жадвали ва тўпурарлар рўйхати >>>>> Суперлига

Суперлига-2022. 25-турнинг энг яхшилари