Championat.asia тур баҳслари асосида тур лауреатларини аниқлади.

"Андижон" клуби бу тур сафарда "Локомотив"га қарши ўйнади ва 2:2 ҳисобида дурангга эришди. "Бургутлар" сўнги дақиқаларда гол уриб, мағлубиятдан қутулиб қолишди. Шу боис Виктор Кумиков championat.asia сайти талқинига кўра 22-турнинг энг яхши мураббийи деб топилди.

"Металлург" бу тур Қаршида "Насаф" меҳмони бўлди ва 0:1 ҳисобида мағлуб бўлди. Бекобод клуби дарвозабони шу куни бир қатор сейвлар билан жамоаси жонига оро кирди, агар унинг сейвлари бўлмаганида ҳисоб йирик кўриниш олиши аниқ эди. Шу боис Championat.asia сайти талқинига кўра, 22-турнинг энг яхши дарвозабони Акмал Турсунбоев бўлди.

Бу турда "Пахтакор" вакили Драган Черан "Қизилқум" билан баҳсда ажойиб гол урди ва тур голи муаллифига айланди.

"Пахтакор" тўпурари Драган Черан "Қизилқум" билан баҳсда фаол ўйнади ва 3та гол урди. Шу тариқа, Драган Черан championat.asia талқинига кўра 22-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига

Суперлига. Кумиков, Акмал ва Черан ёхуд 22-тур лауреатлари