Ўйиннинг 12-дақиқасида Жасур Жалолиддинов рақиб жарима майдони ичида йиқитилди ва бош ҳакам "Қўқон-1912" дарвозасига пенальти белгилади. Хуршид Ғиёсов пенальтидан ҳисобни очди - 1:0.

49-дақиқада Миржаҳон Мираҳмадов яқин масофадан зарба берди, Кнежевич тўпни ушлаб олди. 62-дақиқада Шаҳбоз Эркиновниг жарима майдони ёнидан йўллаган зарбасини Абдумавлон Абдужалилов қайтарди.

64-дақиқада Қувондиқ Рўзиев ўнг қанотдан бир неча рақибни ортда қолдириб зарба берди, Абдужалилов тўпни қайтарди, қайтган тўпни Суҳроб Бердиев дарвозага йўллади - 1:1.

75-дақиқада Суҳроб Бердиевнинг жарима майдони ичида йўллаган зарбасини Абдужалилов қийинчилик билан майдон ташқарисига чиқариб юборди.

84-дақиқада Боян Кнежевич ўз жарима майдони ичида Дилшод Аҳмадалиевни йиқитди ва ҳакам иккинчи бор "Қўқон-1912" дарвозасига пенальти белгилади. Хуршид Ғиёсов иккинчи бор 11 метрли жарима тўпидан гол урди - 2:1.

90+2-дақиқада Дилшод Аҳмадалиев рақиб жарима майдонига кириб бориб икки марта зарба берди, иккала сафар ҳам Ойбек Рустамов тўпни дарвоза чизиғи устидан қайтарди.

Учрашувда "Бунёдкор" 2:1 ҳисобида ғалаба қозонди.

БУНЁДКОР — ҚЎҚОН-1912 - 2:1
12 май 2019 йил. Тошкент. ТТЙМИ стадиони. 17:15
Ҳакамлар: Темур Тўхтасинов, Анвар Маражабов, Зиёдулло Абдураҳмонов, Исхақ Ибрагимов.
Назоратчи: Арслон Хотамов.
Комиссар: Эркин Бахтиёров.

Голлар: Хуршид Ғиёсов 13 пенальти, - 1:0. Суҳроб Бердиев 64, - 1:1. Хуршид Ғиёсов 85 пенальти, - 2:1.

"Бунёдкор": Абдумавлон Абдужалилов, Ислом Қобилов, Анвар Ғофуров, Дилшод Аҳмадалиев, Жасур Жалолиддинов (Суҳроб Иззатов, 82), Хуршид Ғиёсов, Жавоҳир Қаҳрамонов (Улуғбек Абдуллаев, 62), Лутфулла Тўраев, Миржаҳон Мираҳмадов (Владислав Нуриев, 70), Санжар Қодирқулов, Нурилло Тўхтасинов
Захира: 25. Мурод Зухуров, 4. Сергей Прохоров, 5. Бобур Фарҳодов, 23. Санжар Рихсибоев, 30. Абдулла Абдуллаев, 37. Муҳаммадодил Қаҳрамонов.

"Қўқон-1912": Боян Кнежевич, Жамшид Ҳасанов (Бехруз Садиллоев, 53), Муҳаммаданас Ҳасанов (Жавоҳир Эсонқулов, 43), Қувондиқ Рўзиев, Ойбек Рустамов, Суҳроб Бердиев, Иқбол Маликжонов (Жасур Ҳасанов, 86), Шаҳбоз Эркинов, Александр Мерзляков, Марко Милич, Мурод Холмуҳаммедов

Захира: 1. Ислом Абдуллаев, 25. Сарвар Каримов, 11. Тимур Ҳакимов, 14. Аваз Маматхўжаев, 21. Тимур Усмонов, 55. Милош Николич.

Огоҳлантиришлар: Абдумавлон Абдужалилов 31, Муҳаммаданас Ҳасанов 41, Ислом Қобилов 74, Нурилло Тўхтасинов 76, Жасур Ҳасанов 87, Хуршид Ғиёсов 90+2, Суҳроб Иззатов 90+6.

Суперлига. "Бунёдкор" "Қўқон-1912"ни мағлуб этди, Ғиёсов дублга эришди