Bungacha Toshkentdagi "Lokomotiv" stadionida mana shunday oilaviy sektorlar mavjud bo'lib, stadionga o'z oilasi bilan tashrif buyuradigan muxlislar o'yinlarini 10 sektordagi 100 ta o'rindiqda tomosha qilish imkoniyatiga ega edi.

Oradan ikki-uch kun muddat o'tdi. Superliganing barcha klublari o'z o'yinini o'tkazadigan stadionlarida qulaylik darajasi bo'yicha maxsus joylar ajratib, oilaviy sektorlarni tashkil etdi. Misol uchun,

“Bunyodkor” stadionining 4E (775ta) va 2A (750ta) sektorlaridan jami 1525ta o'rindiq ajratildi. “So'g'diyona”da 10-sektordan 370ta, “Buxoro”da 2-sektordan 160ta, “Neftchi”da 32-sektordan 590ta, “Paxtakor”da 30-sektordan 840ta, “Metallurg”da 14-15 sektorlardan 1245ta, “Qo'qon-1912”da 5-sektordan 150ta, “Qizilqum”da A1sektordan 150ta, “Nasaf”da 3-sektordan 800ta, “Navbahor”da 18-sektordan 1078ta, AGMKda 4-sektordan 1208ta joy ajratildi.

Mamlakatimizda bunday sektorlar eng avvalo futbol o'yinlari o'tkaziladigan stadionlarda joriy qilindi. Keyinchalik esa boshqa sport majmualarida, xususan, usti yopiq inshootlarda ham musobaqalarni maxsus sektorlarda kuzatish imkoniyatini yaratish borasida amaliy ishlarga kirishildi. U erlarda ham sport tadbirlarini oilaviy tomosha qilish, madaniy hordiq chiqarish uchun barcha zarur sharoitlar yaratiladi.

Superliga klublarining barcha stadionlarida oilaviy sektorlar tashkil etildi