Superliga, 22-tur
"Navbahor" - "Metallurg" 1:0
25 oktyabr 2024 yil. Namangan, "Markaziy" stadioni. 18:15
Bosh hakam: To'rabek Suyunov
Yordamchilar: Mahmud Turdiev, Sardor Hakimov
Zaxira hakami: Xushnud Suyunboev
VAR hakami: Nasiba Toshmuhammedova
AVAR: Ziyodulla Abdurahmonov

Gol: 1:0 - 80, Yovan Jokich (Siyavash Haqnazari).

"Navbahor": 35. Sanjar Quvvatov, 7. Azimjon Ahmedov, 9. Odiljon Hamrobekov, 10. Jamshid Iskanderov (8. Siyavash Haqnazari, 74), 12. Saidazamat Mirsaidov, 14. Jamshid Boltaboev, 17. Ruslanbek Jiyanov, 22. Toma Tabatadze (21. Giorgi Nikabadze, 64), 23. Yovan Jokich, 34. Farruh Sayfiev, 77. Abror Ismoilov.
Zaxira: 18. Eldorbek Suyunov, 4. Abror Karimov, 15.Javohir Abdujabborov, 19. Sherzodbek Abdulboriev, 20. Muzaffarxon Mo'minov, 55. Komiljon Tojidinov, 99.Elbekjon Yo'lchiev.

"Metallurg": 35.Rahimjon Davronov, 2.Odilbek Abdumajidov, 5.Oleksandr Kucherenko, 6.Xudoyshukur Sattorov (4.Kerim Palich, 76), 7.Asadbek Sobirjonov, 8.Iskandar Shayqulov, 9.Zabihillo O'rinboev (11.Daler Sharipov, 57), 15.Azizbek Pirmuhammadov, 22.Shahzodbek G'ofurbekov, 25.Shahzod Nematjonov (98.Balsa Sekulich, 76), 31.Marko Milichkovich (10.Shahzodbek Ubaydullaev, 72).
Zaxira: 87.Akmal Ortiqov, 14.Abrorbek Toshqo'ziev, 24.Davron Hoshimov, 88.Sirojiddin Qo'ziev, 99.Abbos Ergashboev.

Ogohlantirish: Zabihillo O'rinboev (36), Xudoyshukur Sattorov (50), Odilbek Abdumajidov (52).

Chetlatish: Abror Ismoilov (42).

MATNLI TRANSLYACIYA

YANGILASH

O'yin yakunlandi.

90. Ikkinchi bo'limga 4 daqiqa qo'shib berildi.

89. Xavfli vaziyat! Siyavashning chap qanotdan yo'llagan zarbasiga biroz aniqlik etishmadi.

87. Zarba! Ubaydullaevning olisdan yzllagan zarbasiga aniqlik etishmadi.

80. GOL! Yovan Jokich standart vaziyatdan uzatilgan to'pni bosh bilan "Metallurg" darvozasiga joylab qo'ydi!

76. "Metallurg" ikki o'zgarishga qo'l urdi.

74. "Navbahor"da o'zgarish: Iskanderov o'rniga Haqnazariy maydonga tushdi.

74. Boltaboevning chap oyoqda yo'llagan zarbasi ancha noaniq ko'rinish oldi.

72. "Metallurg"da o'zgarish: Ubaydullaev Milichkovichni almashtirdi. Endi maydonda mehmonlar safida uchta Shahzod o'ynaydi.

68. Sayfievning chap qanotdan uzatgan to'piga sheriklari eta olmadi.

64. "Navbahor"da o'zgarish: Nikabadze Tabatadzeni almashtirdi.

63. Xavfli vaziyat! O'ng qanotdan jarima maydoniga kirib borgan Nematjonovning uzatmasidan so'ng Quvvatov to'pni egallab oldi.

60. Zarba! Sattoovning olisdan yo'llagan zarbasini Quvvatov qaytardi.

57. "Metallurg"da ilk o'zgarish ro'y berdi: Sharipov O'rinboevni almashtirdi.

53. Xavfli vaziyat! Hamrobekovning uzatmasini raqib darvozasiga yaqin turgan Sayfiev bosh bilan darvozaga to'g'rilab qo'ya olmadi.

52. Mehmonlarda yana bir ogohlantirish. Maydon markazida Tabatadzeni to'xtatib qolgan Abdumajidov ogohlantirildi.

50. Sattorov raqib futbolchisining oyog'ini bosib olgani uchun ogohlantirildi.

48. "Navbahor"da standart vaziyat yuzaga keldi. Ahmedovning pastlatib yo'llagan zarbasini himoyachilar qaytardi.

46. Ikkinchi bo'lim boshlandi.

Taym yakunlandi.

45+2. Zarba! Hamrobekovning markazdan yo'llagan zarbasi bu gal darvoza ustuniga tegib qaytdi. Uning avvalgi zarbasi to'singa tekkandi.

45+1. Zarba! Boltaboevning chap oyoqda yo'llagan zarbasiga biroz aniqlik etishmadi.

45. Birinchi bo'limga 4 daqiqa qo'shib berildi.

Sariq kartochka bekor qilindi. Ismoilov maydondan chetlatildi.

42. Pirmuhammadovga nisbatan qo'pollik ishlatgan Ismoilov ogohlantirildi. Hakam VAR monitori qarshisiga kelib, ehtimoliy qizil kartochkani ko'rib chiqmoqda.

41. Zarba! Shayqulovning chap oyoqda yo'llagan zarbasi balandlab ketdi.

36. O'rinboev to'pni egallab olgan Quvvatovning yo'lini to'sgani uchun ogohlantirildi.

36. Milichkovich o'ng qanotdan raqib jarima maydoniga kirib borib, markaz tomon pas berdi, biroq Quvvatov to'pni egallab oldi.

33. Xavfli vaziyat! Ismoilov raqib jarima maydonida o'zi tomon havodan kelayotgan to'pga to'xtatmasdan zarba yo'lladi, ammo uning urinishi ko'ngildagidek tugamadi.

32. Mirsidovning olis masofadan yo'llagan zarbasi noaniq ko'rinish oldi.

26. Iskanderovning burchak uzatmasidan so'ng O'rinboev o'z darvozasini ishg'ol qilib qo'yishiga bir bahya qoldi.

23. Ismoilov o'ng qanotdan markaz tomon harakatlanib, chap oyoqda zarba yo'lladi, biroq darvoza yuqorisidan o'tib ketdi.

19. Xavfli vaziyat! Nematjonov raqib posboni bilan birga-bir vaziyatga chiqib borib, deyarli uni aldab o'tgandi, biroq Sayfiev ortga vaqtida qaytishga ulgurib, to'pni olib qo'ydi.

16. Iskanderovning chap oyoqda yo'llagan zarbasi kuchsiz chiqqani bois "Metallurg" darvozaboniga qiyinchilik tug'dirmadi.

14. "Metallurg" burchak zarbasiga ega bo'ldi. Uzatmagan zarba beradigan futbolchi topilmadi.

7. Xavfli vaziyat! Boltaboev o'ng qanotdan raqib jarima maydoniga kirib borib, zarba yo'lladi, ammo uning urinishiga aniqlik etishmadi.

4. Zarba! Hamrobekovning jarima maydoni tashqaridan yo'llagan aylanma zarbasi darvoza to'siniga tegib, maydonni tark etdi.

4. Mezbonlar tomonidan amalga oshirilgan burchak uzatmasi xafli ko'rinish oldi. "Metallurg" himoyachisi qiyinchilik bilan to'pni qarama-qarshi tomoniga chiqarib yubordi.

"Metallurg"ning boshlang'ich tarkibida o'zgarish bo'ldi. Mashg'ulot jarayonida kichik jarohat olgan Davron Hoshimov o'rnini Shahzodbek G'ofurbekov egalladi.

1. O'yin boshlandi.

Jamoalar maydonga chiqib kelishdi. "Navbahor" ko'k, "Metallurg" oq rangli liboslarda harakat qiladi.

Superliga. Bir kishi kam bo'lib qolgan "Navbahor" "Metallurg"ni mag'lubiyatga uchratdi