"Navbahor" – "Paxtakor" 5:2
9 noyabr, shanba
Gollar: Siyavash Haqnazari 3, 43; Jamshid Iskanderov 62, 90+7; Giorgi Nikabadze 90+2 - Otabek Jo'raqo'ziev 36, 46.
Bosh hakam: Rustam Lutfullin
Qanot hakamlari: Timur Gaynullin, Andrey Capenko
Zaxira hakami: Nikita Mustafin
VAR: Ilgiz Tantashev
AVAR: Alisher Usmonov
Hakamlar nazoratchisi: Zokir Qodirov
Uchrashuv komissari: Shohrux Said

"Navbahor": 18.Eldorbek Suyunov, 7.Azimjon Ahmedov, 8.Siavash Haqnazari, 9.Odiljon Hamrobekov, 10.Jamshid Iskanderov, 12.Saidazamat Mirsaidov (55.Komiljon Tojidinov 84), 13.Filip Ivanovich (17.Ruslanbek Jiyanov), 14.Jamshid Boltaboev, 22.Toma Tabatadze (21.Giorgi Nikabadze 63), 23.Yovan Jokich, 34.Farruh Sayfiev.
Zaxira: 41.Ozodbek Marupov, 19.Sherzodbek Abdulboriev, 20.Muzaffarxon Mo'minov, 24.Dostonbek Abdulxaev, 27.Jahongir Tursunov, 88.Asadbek Jo'raboev.

"Paxtakor": 12.Vladimir Nazarov, 3.Shahzod Azmiddinov (8.Diyor Xolmatov 46), 4.Abdulla Abdullaev, 7.Xojiakbar Alijonov, 17.Dostonbek Hamdamov (44.Mahmudjon Mahammadjonov 58), 22.Umar Adhamzoda (2.Behruzbek Asqarov 46), 23.Abdurauf Bo'riev, 27.Sardor Sobirxo'jaev, 30.Otabek Jo'raqo'ziev (33.Doniyor Abdumannopov 65), 55.Muhammadrasul Abdumajidov, 99.Ulug'bek Hoshimov.
Zaxira: 35.Pavel Pavlyuchenko, 6.Muhammadali O'rinboev, 15.Diyorbek Ortiqboev, 40.Kimi Merk, 77.Dilshod Saitov.

Ushbu sahifada uchrashuvning matnli translyaciyasini kuzatib borish mumkin bo'ldi.

YANGILASH

90+7-daqiqa. GOOOOOOL! Qarshi hujumga qochib ketgan Jamshid Iskandero hisobni yirik ko'rinishga olib keldi!

90+6-daqiqa. Ogohlantirish! Azim Ahmedovga sariq!

90+2-daqiqa. GOOOOOOL! Komiljon Tojidinovning uzatmasidan keyin Nikabadze oradagi farqni ikkitag oshirdi!

90+2-daqiqa. "Paxtakor"ning hujumi omadsiz yakunlandi. Suyunov to'pni o'yinga kiritib beradi.

90-daqiqa. O'yinning asosiy vaqtiga 6 daqiqa qo'shib berildi.

84-daqiqa. O'zgarish! Mezbonlar safida Saidazamat Mirsaidov o'rniga Komiljon Tojidinov o'yinga qo'shildi!

83-daqiqa. Sobirxo'jaev Nikabadzening oyog'iga tepib yubordi.

Qo'shimchasiga mezbonlarning bir vakili toliqish tufayli maydonga quladi. Majburiy to'xtalish.

81-daqiqa. To'pni raqibdan olib qo'ygan "Navbahor" raqibni to'psiz qoldirib, tinchlantirishga urinmoqda.

80-daqiqa. Ogohlantirish! Yovan Jokich Hoshimovga nisbatan fol uchun sariq kartochka ishlab oldi.

79-daqiqa. Diyor Xolmatovning yaxshi zarbasidan keyin Eldorbek Suyunov "seyv" ijro etib, jamoasini goldan qutqardi.

74-daqiqa. O'zgarish! Haqnazari o'rnini Jo'raboevga bo'shatib berdi!

73-daqiqa. Hisobda oldinda borayotgan "Navbahor" hech qaerga shoshilmayapti.

69-daqiqa. Mahmudjon Mahammadjonovning zarbasi noaniq chiqdi!

65-daqiqa. O'zgarish! Otabek Jo'raqo'ziev o'rnga Doniyor Abdumannopov o'yinga qo'shildi!

65-daqiqa. Ogohlantirish! Sobirxo'jaev sariq kartochkaga loyiq ko'rildi. Futbolchi hakamning qarori bilan tortishmayapti ham.

64-daqiqa. O'zgarishlar! Nikabadze va Jiyanov maydonga tushdi.

63-daqiqa. O'zgarishlar! Giorgi Nikabadze Toma Tabatadzeni, Ruslanbek Jiyanov esa Filip Ivanovichni alishtirdi.

62-daqiqa. GOOOOOL! Jamshid Iskanderov ajoyib kombinaciyani aniq zarba bilan golga aylantirdi!

60-daqiqa. Bir futbolchi ko'p bo'lib qolgan "Navbahor" darhol to'p nazoratini o'z tomoniga og'dirdi.

58-daqiqa. O'zgarish! Dostonbek Hamdamov o'rniga Mahmudjon Mahammadjonov maydonga tushirildi.

56-daqiqa. QIZIL KARTOCHKA! To'pga eta olmagan Behruzbek Asqarov hakam tomonidan avvaliga sariq kartochka loyiq ko'rildi, ammo "VAR" aralashuvi hamda bosh hakam takroriy lavhani ko'rgach, kartochka rangi qizilga o'zgardi!

51-daqiqa. "Paxtakor" to'pni nazorat qilmoqda.

46-daqiqa. GOOOOL! Ikkinchi bo'lim gol bilan boshlandi! Hozirgina maydonga tushgan Holmatovning uzatmasidan keyin Otabek Jo'raqo'ziev muvozanatni tikladi!

O'zgarishlar! Shahzod Azmiddinov hamda Umar Adhamzodaning o'rniga Diyor Xolmatov va Behruzbek Asqarov o'yinga qo'shildi

Shu pallada hakam bo'lim yakunlanganini bildiruvchi hushtagini chaldi va jamoalarni tanaffusga taklif qildi.

45+2-daqiqa. "Paxtakor" hujumga o'tish urinib ko'rdi, lekin niyatiga eta olmadi.

45+1-daqiqa. "Navbahor"ning hujumida ish zarbagacha etib bormadi.

45-daqiqa. Birinchi bo'limning asosiy vaqtiga 2 daqiqa qo'shib berildi!

43-daqiqa. GOOOOOL! Yana Siyavash katta sahnaga chiqmoqda. Toma Tabatadzening zarba/uzatmasidan keyin Haqnazari to'pga eta oldi va "Navbahor"ni yana oldinga olib chiqdi!

41-daqiqa. Maydon markazida fol, Alijonov yiqitildi.

39-daqiqa. "Navbahor"ning hujumi uzilib qoldi.

36-daqiqa. GOOOOL! Otabek Jo'raqo'ziev muvozanatni tikladi! Kerakli vaqtda jarima maydonchasi markazida paydo bo'lgan Otabek to'pni darvoza to'riga yo'lladi.

25-daqiqa. "Navbahor" darvozasi oldida xavfli vaziyat yuzaga kelishi mumkin edi, biroq hakam hujumda fol qayd etdi.

22-daqiqa. Jamoalar ancha tinchlanishdi va o'yin tempi biroz tushdi.

17-daqiqa. Mezbonlar kuchli bosim uyushtirishmoqda. Ketma-ket zarbalardan keyin "lochinlar" burchak zarbasi ishlab olishdi.

16-daqiqa. "Navbahor" vakili o'yindan tashqari holatda.

15-daqiqa. Eldorbek Suyunov o'yinga kirishdi. "Paxtakor" burchak zarbasi ishlab oldi. Biroq standartdan naf chiqara olishmadi mehmonlar.

11-daqiqa. Dastlabki 10 daqiqada "Navbahor" raqibdan faolroq harakat qilmoqda.

9-daqiqa. Bu safar Mirsaidovga qarshi qo'pollik qayd etildi, jarima maydonchasiga yaqin hududdan zarba beriladi.

7-daqiqa. Saidazamat Mirsaidov raqib jarima maydonchasiga kirib, yiqildi, hakamning hushtagi jim.

"Navbahor" birinchi hujumidayoq gol urishga muvaffaq bo'ldi. Buyog'iga jamoalar qanday harakat qilarkin?

3-daqiqa. GOOOOL! Boltaboevdan to'pni qabul qilib olgan Siyavash Haqnazari hisobni ochdi!

1-daqiqa. O'yin boshlandi!

Har ikki jamoa ustozlari asosiy tarkib borasida bir qarorga kelgan.

Superliga. "Navbahor" o'z uyida "Paxtakor"ni yirik hisobda mag'lubiyatga uchratdi!