Uchrashuv har ikki jamoa azolarining faol harakatlari bilan boshlandi. Birinchi bo'limning 5-daqiqasidayoq mezbonlar hisobni ochishlari mumkin edi. Bu vaziyatda "Navbahor"ning 11-raqamli futbolchisi Aleksandr Kasyan darvozabon bilan birga-bir vaziyatga chiqib borib, yuzaga kelgan qulay imkoniyatdan foydalana olmadi.

Birinchi bo'limning 7-daqiqasiga kelib, uchrashuvda hisob ochildi. Mehmonlarning Gruziyalik legioneri Mate Vatsadze kuchli zarba bilan O'tkir Yusupov darvozasini ishg'ol etdi 0:1.

Birinchi bo'limning 29-daqiqasida Aleksandr Kasyanning bosh bilan darvozaga yo'llagan zarbasini darvozabon Evgeniy Cheremisin ushlab olib, vaziyatni bartaraf etdi.
33-daqiqada mezbonlarning 23-raqamli futbolchisi Sherali Jo'raevning zarbasidan so'ng, to'pni mehmonlar posboni O'tkir Yusupov ushlab oldi. 38-daqiqaga kelib futbol muxlislarini sog'intirib maydonga qaytgan Azizbek Turg'unboevning bosh bilan darvozaga yo'llagan zarbasidan so'ng, to'p darvoza ustuni yonidan o'tib ketdi.

45-daqiqada yana o'sha Azizbek Turg'unboevning jarima zarbasidan so'ng, to'pni "Qizilqum" himoyachilari qaytarishdi.

Birinchi bo'lim mehmonlarning kichik 0:1 hisobidagi g'alabasi bilan yakuniga etdi.

Ikkinchi bo'lim "Navbahor" jamoasi vakillarining faol hujumlari bilan boshlandi.

58-daqiqada Aleksandr Kasyan raqib jarima maydoni ichiga yorib kirishga urindi, mehmonlar himoyachisi to'pni qaytarib yubordi. Uchrashuvning 79-daqiqasida mezbonlar sardori Jahongir Mehmonov to'pni jarima maydonidan uzoqlashtirishda xatolikka yo'l qo'ydi, bu vaziyatda to'pni O'tkir Yusupov chaqqonlik bilan egallab oldi, aks xolda hisob o'zgarishi mumkin edi. 83-daqiqada Azizbek Turg'unboev yaqin masofadan "Qizilqum" darvozasi tomon zarba yo'lladi, to'pni mehmonlar posboni egallab oldi. O'yin oxirigacha mezbonlar tomonidan tashkil etilgan ketma-ket hujumlar samara keltirmadi.Butun uchrashuv davomida qarshi hujum va raqib hujumidan himoyalanishni mukammal tarzda ijro etgan Hamidjon Aktamov shogirdlari kuchli raqib ustidan safarda g'alaba qozonishni uddasidan chiqdilar.

Bekzod Tolibov Namangandan maxsus

NAVBAHOR - QIZILQUM 0:1
26 iyul 2019 yil. Namangan. "Markaziy" stadioni. 10880 tomoshabin.
Hakamlar: Hasan Ro'ziev, Sultonmurod Ulfatov, Baxtiyorxo'ja Shavkatov, O. To'ychiboev
Nazoratchi: Baxtiyor Tog'aev
Komissar: Ramil Ilyasov

Gol: Mate Vatsadze 7, - 0:1.

“Navbahor”: 1. O'tkir Yusupov, 5. Slavko Lukich ( 15.Obid Jo'rabaev, 16), 10.Azizbek Turg'unboev, 11.Aleksandr Kasyan, 19. Mirzohid G'ofurov, 22.Igor Golban, 32. Jahongir Mehmonov (s), 66.Ilhomjon Alijonov, 70.Abbosjon G'ulomov (99.Amirbek Jo'raboev, 68), 77.Ayubxon Nomanov (91.Sherzod Hakimov, 46), 95.Nodir Mavlonov.
Zaxiradagilar: 23. Dilshod Hamroev, 4.Aziz Ibragimov, 8.Shahzod Shaymanov, 29.Hojiakbar Yunusov, 34.Tojiddin Komilov, 55.G'iyosjon Komilov, .

“Qizilqum”: Evgeniy Cheremisin, 10.Alisher Sanoev, 13.Lasha Totadze, 15.Steven Peter Lustika, 17.Salim Mustafoev, 23.Sherali Jo'raev, 25.Azizbek Usmonov, 77. Ruslan Marg'iev, 78.Saidjamol Davlatjonov (71. Nodirxon Kamolov, 58), 88.Mate Vatsadze (86.Vohid Shodiev, 85), 89.Doston Ibragimov (28.Sardor Jahonov, 74).
Zaxiradagilar: 22.Artyom Makosin, 8.Akmal Rustamov, 9. Humoyun Abdualimov, 14.Fayzulla Qambarov, 19.Mirjalol Qosimov, 97.Suhrobjon Yarashov.

Ogohlantirishlar: Saidjamol Davlatjonov 11, Lasha Totadze 90+1.

Superliga. "Qizilqum" Namanganda "Navbahor"ni mag'lub etdi