Coca Cola Суперлигаси

24-тур

"Нефтчи" – "Олимпик" 0:1

3 ноябрь. Фарғона. "Истиқлол" стадиони. 18:15

Гол: Алишер Одилов (Жасурбек Жалолиддинов) 78'

Гол урилмаган пенальти: Лутфулла Тўраев 77' (ноаниқ)

Бош ҳакам: Абдурашид Худойберганов

Ёрдамчи ҳакамлар: Аваз Абдуллаев, Амал Султонов

Захира ҳаками: Хушнуд Суюнбеков

VAR: Иброхим Исмоилов

AVAR: Зиёдулло Абдурахмонов

Назоратчи: Олег Дачев

Комиссар: Шерзод Ражабов

"Нефтчи": 45.Акбар Тўраев, 2.Зоир Жўрабоев (5.Томислав Мрчела, 73), 13.Лутфулла Тўраев, 19.Мирзоҳид Ғофуров, 20.Анваржон Ғофуров, 21.Муҳсинжон Убайдуллаев, 22.Гиоргий Никабадзе (11.Иззатилла Абдуллаев, 73), 24.Ғулом Ҳайдар Гулямов, 28.Фозил Мусаев (8.Шароф Муҳитдинов, 46), 40.Бачана Арабули (9.Улуғбек Ҳошимов, 46), 70.Аббосжон Ғуломов.

Захира: 12.Владимир Назаров, 10.Суннатулла Абдуллажонов, 17.Абдуллоҳ Олимов, 26.Олексей Ларин, 66.Дониёр Валиев.

"Олимпик": 13.Ҳамидулло Абдунабиев, 2.Саидазамат Мирсаидов, 7.Иброҳим Ибрагимов (8.Нодир Абдихолиқов, 82), 10.Фарруҳ Мухторов, 11.Отабек Жўрақўзиев (9.Шаҳзод Акрамов, 82), 14.Элдор Бегимов (21.Саидафзалхон Ахроров, 82), 29.Александр Зевадинов, 30.Жасурбек Жалолиддинов, 37.Алишер Одилов, 44.Асадбек Раҳимжонов, 77.Шерзод Эсанов (4.Одилбек Абдумажидов, 87).

Захира: 1.Шукрон Йўлдошев, 5.Жавоҳир Ўтамуродов, 16.Риан Исламов, 17.Тимур Мамасидиқов.

Огоҳлантиришлар: Гиоргий Никабадзе (2), Саидазамат Мирсаидов (30), Улуғбек Ҳошимов (53), Муҳсинжон Убайдуллаев (60), Иброҳим Ибрагимов (63), Жасурбек Жалолиддинов (84).

МАТНЛИ ТРАНСЛЯЦИЯ

БАҲС ЯКУНЛАНДИ!

90+6. "Олимпик"да ўзгариш: Одилов ўрнига Жўрабоев учрашувни тугатиб қўяди.

90+1. Зарба! Иззатилла Абдуллаевнинг зарбасига аниқлик етишмади.

90. Иккинчи таймга 6 дақиқа қўшиб берилди.

87. "Олимпик"да ўзгариш: Эсанов ўрнига Абдумажидов ўйинга қўшилди.

84. Жасурбек Жалолиддинов тўпни тепиб юборгани учун сариқ карточкага лойиқ кўрилди.

82. "Олимпик"да 3 та ўзгариш: Ибрагимов ўрнига Абдихолиқов, Бегимов ўрнига Ахроров, Жўрақўзиев ўрнига Акрамов баҳсни давом эттиради.

78. ГОЛ! Жасурбек Жалолиддиновнинг жаримадан ошириб берган пасидан кейин Алишер Одилов дарвозани ишғол қилди – 0:1!

77. Уууух! Лутфулла Тўраев пенальтидан унумли фойдалана олмади. Тўп дарвоза тўсини устидан ўтиб кетди.

76. Пенальти! Бош ҳакам Абдурашид Худойберганов "Олимпик" дарвозаси томон пенальти белгилади.

75. Ҳакам VAR томон отланди. Тўп Раҳимжоновнинг қўлига теккан бўлиши мумкин.

73. "Нефтчи"да 2 та ўзгариш: Жўрабоев ўрнига Мрчела, Никабадзе ўрнига Абдуллаев майдонга тушди.

71. Уууух! Мухторовнинг ҳаволатиб амалга оширган узатмасидан кейин Эсанов бош билан ноаниқ зарба йўллади.

67. "Аут"дан ошириб берилган узатмани Улуғбек Ҳошимов бош билан дарвозага буришга уринди.

63. Иброҳим Ибрагимов Лутфулла Тўраевга нисбатан қўпол ўйнади ва огоҳлантирилди.

60. Муҳсинжон Убайдуллаев Алишер Одиловни қоидани бузган ҳолда тўхтатиб қолди ва сариқ карточка олди.

57. Отабек Жўрақўзиевнинг ақлли пасидан сўнг Шерзод Эсанов хавфли вазият ҳосил қилиши мумкин эди, аммо дарвозабон Акбар Тўраев биринчи бўлиб тўпга эга чиқди.

57. Жасурбек Жалолиддиновга тиббий ёрдам кўрсатилди. Рақиб унинг сонини босиб олган эди.

55. Зарбааа! Иброҳим Ибрагимовнинг кучли зарбасига озгина аниқлик етишмади.

53. Улуғбек Ҳошимов Зевадиновга нисбатан қўпол ўйнагани учун огоҳлантирилди.

50. Лутфулла Тўраевнинг яқин масофадан берган зарбаси анча ноаниқ кўриниш касб этди.

46. Иккинчи тайм бошланди!

46. "Нефтчи"да 2 та алмаштириш: Арабули ўрнига Ҳошимов, Мусаев ўрнига Муҳитдинов туширилди.

Биринчи бўлим тугади. Ҳозирча ҳисоб очилмади – 0:0. Танаффус!

Биринчи бўлимга 1 дақиқа қўшилди.

44. Гулямовнинг ҳаводан ошириб берган пасидан кейин Никабадзе бош билан ноаниқ зарбани ижро қилди.

43. Саидазамат Мирсаидов Мирзоҳид Ғофуровни ушлаб қолгани учун жарима белгиланди.

41. Зарба! Жасурбек Жалолиддиновнинг ўнг оёқдаги айланма зарбасига аниқлик етишмади.

39. Зарба! Иброҳим Ибрагимовнинг зарбаси дарвоза тўсини устидан ўтиб кетди.

35. Зарбааа! Алишер Одиловнинг зарбасидан кейин Тўраев тўпни қайтарди.

32. Фозил Мусаев ва Шерзод Эсанов тўқнашиб кетишди, фарғоналиклар футболчиси озроқ майдонда ётди ва ўрнидан турди.

30. Саидазамат Мирсаидов кураш вақтида қўли билан Лутфулла Тўраевни уриб юборгани учун огоҳлантирилди.

27. Зарба! Жасурбек Жалолиддиновнинг ўнг оёқда йўллаган зарбаси анча ноаниқ кўриниш олди.

23. Зарбаааа! Жасурбек Жалолиддиновнинг олисдан йўллаган зарбаси Акбар Тўраевнинг устидан ўтиб дарвозага кириб кетишига оз қолди.

20. Анваржон Ғофуров Жасурбек Жалолиддиновга нисбатан қоидани бузди. Жардийданинг узатмасидан сўнг Раҳимжонов бош билан зарба йўллай олмади.

19. Уууух! Зарбаааа! Ҳамидулло Абдунабиевнинг қўпол хатосидан сўнг Арабули деярли бўш дарвозага тўпни йўналтирмоқчи бўлди, тўп ҳимоячиларга тегиб, майдонни тарк этди.

15. Зарба! Ғофуровнинг қанотдан ошириб берган пасидан сўнг Никабадзе зарба йўллади, сал ноаниқ.

13. Зарба! Арабулининг яқин масофадан берган зарбасидан кейин тўп анча ноаниқ кетди.

11. Зарба! Ғулом Ҳайдар Гулямовнинг жаримадан узатган тўпини Никабадзе бош билан дарвозага йўналтиришга ҳаракат қилди, ноаниқ.

10. Жасурбек Жалолиддинов қарши ҳужумга қочиб кетмоқчи бўлган Мирзоҳид Ғофуровни очиқчасига ушлаб қолди.

7. Ҳозирча "Олимпик" тўп назоратини қўлга олган. "Нефтчи" эса босим қилиш билан банд.

5. Зарба! Ибрагимов Анри услубида дарвозани нишонга олишни истади, бироқ бунга ҳимоячилар тўсқинлик қилишди.

2. Гиоргий Никабадзе Жасурбек Жалолиддиновга нисбатан қўпол ҳаракат қилди ва сариқ карточка олди.

1. Ўйин бошланди!

- Жамоалар майдонга тушиб келишмоқда.

- Учрашув 18:15 да бошланади.

Суперлига. "Олимпик" Алишер Одиловнинг голи эвазига "Нефтчи" майдонида ғалаба қозонди