Qaysidir manoda bugun bizni o'zgacha olovli kun kutmoqda. Qarshida "Nasaf" - "Sho'rtan" derbisi, Olmaliqda nomlar Qosimov - Abramov dueli, Namanganda esa "Navbahor" - "Neftchi" vodiy derbisi. Ko'rinib turibdiki bu uchrashuvlarga qandaydir ortiqcha tarif shart emas. Bu to'qnashuvlar har doim, har yili muhimlilik ahamiyatini yo'qotmagan. Biz esa masuliyatli bellashuvlarga oid qiziq faktlar bilan o'rtoqlashamiz.

Ro'ziqul Berdiev "Nasaf" ustozi sifatida "Sho'rtan"ga yutqazmagan. Elita doirasida kechgan barcha 11 ta bahsning barchasida "ajdarlar" zafar quchgan. G'uzorliklar oxirgi marotaba raqibi ustidan 2011 yilgi mavsumda 3 ochkoga ega chiqqan. "Sho'rtan" bu yil mehmondagi birorta o'yinda natijani o'z foydasiga hal qila olgani yo'q. "Nasaf" esa o'z maydonida raqiblariga imkoniyatni boy bergani yo'q.

"Neftchi" 2011 yildan beri Namanganda "Navbahor"ni yuta olmay kelmoqda. Farg'onaliklar so'nggi bor "lochinlar"ni safarda 2011 yil enggan. Keyingi 10 ta o'yinning 5 tasi durang, 5 tasi maydon egalarining g'alabasi bilan yakunlangan. 2011 yildan buyon "Navbahor"ni Usmon Asqaraliev, Mustafo Bayramov, Baxtiyor Ashurmatov, Rashid G'ofurov, Aleksandr Volkov, Ravshan Bazarov, Ilhom Mo'minjonov, Andrey Kanchelskis, Deyan Jurjevich, No'mon Hasanov, Viktor Jalilov, Samvel Babayan, Sergey Lushchan kabi murabbiylar boshqardi. "Neftchi"ga esa Superligada Amet Memet, Murod Ismoilov, Andrey Fyodorov, Vadim Abramov, Sergey Kovshov, Bahrom Haydarov, Ilhom Mo'minjonov, Vitaliy Levchenko kabi murabbiylar ustozlik qildi.

Yana bir malumot, "Navbahor" bu mavsum uyda yutqazmagan Superliganing ikki jamoasidan biri bo'lib turibdi. "Neftchi" esa safar o'yinlarida mag'lubiyatsiz seriya qayd etyapti.

"Dinamo" - OKMK uchrashuvlari oxirgi yillarda gollarga boy o'tmoqda. Jamoalarning so'nggi 5 ta o'yinida darvozalarga jami 16 ta gol urilgan. Samarqandda kechgan o'yinlarda faqatgina bir marotaba muxlislar gol ko'rishmagan (2013 yil). Vadim Abramov bu mavsumda 2 mag'lubiyatni ham faqat Samarqandda qabul qilib oldi.

Superliga. "Neftchi" uchun Namangan - "qo'rqinchli" makonmi?