Restartdan keyin esa hozircha uchta turni o'tkazdik. "Championat.asia" ijodiy guruhi yakunlanib borayotgan iyun oyida ichki chempionatimizning eng yaxshilarini aniqladi.

Superliga. Oy murabbiyi - Mirjalol Qosimov

Ushbu oyda o'tkazilgan 3ta turdan kelib chiqib oyning eng yaxshi futbolchisi deb "So'g'diyona" klubi vingeri Jasur Hasanov tan olindi. Jizzaxliklar iyundagi uchta bellashuvda 7 ochko jamg'arishdi. "So'g'diyona" uyda "Paxtakor"ni, mehmonda esa "Lokomotiv"ni taslim etdi. Har ikkala bellashuvda ham Baqoev jamoasining asosiy ishni tajribali Hasanov bajarib berdi. 36 yoshli futbolchi "sherlar"ga qarshi Norxonovni pas bilan taminlagan, "temiryo'lchilar" bilan to'qnashuvda jarima zarbasini qoyilmaqom tarzda ijro etdi. Keyinroq esa aynan uning burchakdan uzatgan to'pini Shaymanov o'z darvozasiga kiritib qo'ygandi. Hasanov o'z o'yini bilan jamoasini oldinga torta oldi, oyda eng stabil va ajoyib o'yin ko'rsatgan futbolchi bo'ldi.

Shu tariqa Toshkent klublariga qarshi o'yinlarda asosiy rolni bajarib bergan Jasur Hasanov iyun oyining eng yaxshi futbolchisi deb topildi.

Malumot uchun Hasanov iyundagi uchta bellashuvning barchasida ishtirok etdi. Maydonda 243 daqiqa harakat qilgan yarim himoyachi bitta gol urdi va bitta golli pas berdi.

O'zbekiston chempionati turnir jadvali >>>>> SUPERLIGA

Superliga. Oy futbolchisi - Jasur Hasanov