Mavsumning qaynoq pallasida bir qator qiziqarli uchrashuvlar kutib turibdi. Biz esa 21-tur oldidan ayrim faktlar, malumotlar bilan o'rtoqlashamiz.

"Nasaf" - "Surxon"

- "Surxon" o'z tarixida hali "Nasaf" maydonida g'alaba qozongani yo'q. Jamoalarning Qarshidagi o'zaro 13 ta uchrashuvining barchasida mezbonlar g'alabani tantana qilgan.

- "Nasaf" joriy mavsumda o'z maydonida mag'lubiyatga uchramagan yagona jamoa bo'lib turibdi. "Ajdarlar" 10 ta bahsning 8tasida g'alabani nishonlagan bo'lsa, 2 ta o'yinda durang qayd etilgan.

- "Surxon" so'nggi 3 ta safar uchrashuvida mag'lub bo'ldi. Termizliklar oxirgi marotaba 22 avgust kuni mehmonda "Paxtakor"dan ustun kelgandi.

- Fevzi Davletov shogirdlari Superligada 4 ta o'yindan beri gol urayotgani yo'q. Jamoa so'nggi bor 18 avgust kuni "Bobur Arena"da "Andijon" darvozasiga yo'l topa olgan.

- "Surxon"da g'alabasiz seriya ketma-ket 4 ta o'yinga etdi. Oxirgi g'alaba 16-turda "burgutlar" ustidan qozonilgan (3:2).

"Lokomotiv" - "Bunyodkor"

- "Temiryo'lchilar" 3 yildan buyon "Bunyodkor"dan 3 ochko olishni uddasidan chiqayotgani yo'q. Oxirgi g'alaba 2021 yilgi mavsumning 6-turida qayd etilgan (2:1)

- "Bunyodkor" 10 yildan beri mehmonda "Loko"ni yuta olmayapti. Poytaxt klubining raqibi maydonidagi so'nggi g'alabasi 2014 yil yuz bergan (2:1).

- Ilyos Zeytullaev jamoasi so'nggi 3 ta o'yinda 7 ochko to'plashni uddasidan chiqdi. "Lokomotiv"da bu ko'rsatkich 3 ochkoni tashkil qiladi.

- Aleksandr Krestinin 2023 yil bir davra "Bunyodkor"ni boshqargan edi va u endi sobiq jamoasiga qarshi maydonga chiqadi.

"Metallurg" - "Andijon"

- "Andijon"ning Superligadagi g'alabasiz seriyasi 7 ta o'yinga etdi va jamoa ikkinchi davrada hali 3 ochko qo'lga kiritgani yo'q.

- "Burgutlar" 5 yildan beri "Metallurg"ni mehmonda taslim eta olishayotgani yo'q. Jamoaning oxirgi g'alabasi 2019 yilgi mavsumning 16-turida tantana qilgan. Qiziq fakt, o'shanda jamoaning ustozi Aleksandr Xomyakov bo'lgan.

- Bekobodliklar bu yil Superligadagi yagona g'alabasini uy uchrashuvida qo'lga kiritdi ("Metallurg" - "Paxtakor" 3:2)

- Jamoalar o'rtasidagi o'zaro 8 ta o'yindan beri darvozalarga gol urilmoqda. Gol urilmagan so'nggi o'yin 2016 yil 22 oktyabr sanasida 0:0 natijasi bilan tugagan.

"Neftchi" - "Navbahor"

- "Navbahor" 15 kundan so'ng yana "Istiqlol" stadionida mehmon bo'ladi, bu safar raqib maydon egasi "Neftchi".

- Farg'onaliklar 6 yildan buyon "lochinlar" ustidan zafar quchayotgani yo'q. Jamoaning so'nggi g'alabasini 2018 yil qo'lga kiritgan. Keyingi 6 ta uchrashuvning 5 tasida durang, 1tasida namanganliklar yutuqni o'ziniki qilgan.

- "Neftchi"da duranglar seriyasi ketmoqda. Superligada ketma-ket 3 ta bellashuv murosasi natija bilan tugagan ("Paxtakor" 0:0, "Qizilqum" 2:2, "Andijon" 0:0)

- Sergey Lushchan shogirdlari mehmonda ketma-ket 3 ta o'yinda g'alaba qozondi (kubok yarim finali bilan birga 4 ta).

- "Navbahor" ustozi Sergey Lushchan murabbiy sifatida Superligada so'nggi 4 ta o'yinda "Neftchi"ga yutqazgani yo'q (2018 yilgi mavsumda "So'g'diyona" boshqaruvida 3 g'alaba, 2017 yil "Bunyodkor" bilan 1 g'alaba)

"Olimpik" - "Qizilqum"

- "Olimpik" ikkinchi davrani "Andijon" singari g'alabasiz seriya bilan davom ettirmoqda. Jamoa so'nggi g'alabasini 25 iyun kuni "Surxon" ustidan qo'lga kiritgan.

- Jamoalarning o'zaro o'yinlarida tenglik yuzaga kelgan. Ikki jamoada ham 2 g'alaba va 1 durang bor.

- "Qizilqum" 2024 yil mehmondagi yagona g'alabasini 1-turda "Bunyodkor" maydonida nishonlagan edi.

"So'g'diyona" - OKMK

- Bu mavsumning eng ko'p gol (8 ta) urilgan o'yini bu jamoalar o'rtasidagi bahsga to'g'ri keldi (5:3)

- "So'g'diyona" o'z maydonida 5 yildan beri OKMKni engishni uddasidan chiqmayapti (2019 yil 1:0). Jizzaxdagi oxirgi 4 ta o'yinning 2 durang, 2 mag'lubiyat qayd etilgan.

- Ivan Boshkovich shogirdlari ikkinchi davrada uyda hali g'alaba qozongani yo'q (2 durang, 1 mag'lubiyat).

- "So'g'diyona" o'zaro uchrashuvlarda oxirgi bor 2021 yil olmaliqliklardan mehmonda ustun kelgan (1:0). So'nggi 5 ta to'qnashuvning barchasida "konchilar" 3 ochkolik bo'lishgan.

Superliga qaytmoqda. "Nasaf" chempionlikka yaqinlashadimi? "Navbahor" yana "Istiqlol"da mehmon, poytaxt derbisida esa 10 yillik anana tugashi mumkin