Jizzaxda "So'g'diyona" Superliga debyutanti "Andijon"ni qabul qiladi. Uchrashuv 18:45da boshlanadi.

"So'g'diyona"

- Jizzax shahrining bosh jamoasi oxirgi ikki turda mag'lubiyatga uchradi. "So'g'diyona" o'z maydonida "Paxtakor" va safarda "Navbahor"ga imkoniyatni boy berdi.

- O'tgan ikkita o'yinda jizzaxliklar o'z darvozalaridan beshta gol o'tkazib yuborishdi.

- Mavsum boshidan beri "So'g'diyona" faqat ikkita uchrashuvda g'alaba qozondi. Har ikki g'alaba uydagi o'yinlarda ("Bunyodkor" va "Metallurg") ustidan qo'lga kiritildi.

- Bu jamoa turnir jadvalida 6 ochko bilan 13-o'rinni egallab turibdi. "So'g'diyona" hali durang o'ynamagan.

"Andijon"

- "Andijon" Superligada hozircha 7 ochko to'pladi va jadvalning 11-pog'onasida bormoqda.

- "Andijon" oxirgi ikkita turni durang bilan yakunladi. Ildar Sakaev shogirdlari safarda "Surxon" bilan 0:0 va uyda "Dinamo" bilan 2:2 hisobini qayd etishdi.

- "Andijon" shu paytgacha faqat bitta o'yinda g'alaba qozondi: "burgutlar" 5-turda "Nasaf"ni 3:1 hisobida mag'lub etishdi.

- "Andijon" Superligada hozircha bitta o'yinni yutgan uch jamoadan biri bo'lib turibdi. Shuningdek, "Buxoro" bilan "Qo'qon-1912" hisobida ham bittadan g'alaba bor.

- "Andijon" shu paytgacha 7ta uchrashuvda maydonga tushgan bo'lsa, shundan 5tasini safarda o'tkazdi.

Oxirgi 5 o'yin

2016 yil. "So'g'diyona" - "Andijon" 1:0

2015 yil. "So'g'diyona" - "Andijon" 1:2

2014 yil. "So'g'diyona" - "Andijon" 1:0

2011 yil. "So'g'diyona" - "Andijon" 1:1

2009 yil. "So'g'diyona" - "Andijon" 0:2

Jizzaxda bo'lib o'tgan oxirgi beshta o'yinning ikkitasida mezbonlar, yana ikkitasida mehmonlar g'alaba qozonishgan. Yana bitta bahs durang natija bilan yakun topgan. "So'g'diyona" oxirgi beshta o'yinning hech birida raqib darvozasiga bittadan ko'p to'p kirita olmagan.

Superliga. "So'g'diyona" - "Andijon" o'yiniga oid malumotlar