Бироз аввал тур рамзий терма жамоасини эълон қилган эдик. Энди эса кетма-кетликда тур лауреатларини бериб борамиз.

Фото Суперлига. Тўртинчи тур рамзий терма жамоаси

Ортда қолган 4-турнинг энг яхши дарвозабони деб "Металлург" аъзоси Александр Лобановни топдик. Бекободликлар Тошкентда "Локомотив" меҳмони бўлишди ва кутилмаганда сафардан йирик ғалаба билан қайтишди. Учрашув давомида Лобанов камида 3 бор жамоасини голдан қутқариб қолди. 1-бўлимда Темурхўжа Абдухолиқовнинг жаримадан тепган тўпини қайтарганди, 54-дақиқада эса турнинг энг яхши сейвини ижро этди. Ўша вазиятда Даврон Умиров иккинчи темпда тўпни кучли зарб билан "Металлург" дарвозаси томон тепди. Александр тўп кетаётган йўналиш тарафга отилишни бошлаган бир лаҳзада Погребняк уни қарама-қарши томонга буриб юборди. Жуда ҳам ноқулай ҳолатда қолганига қарамай Лобанов тез реакция кўрсатди ва тўпни уриб юборди. Агар ўша ҳолатда у тўпни қайтара олмаганда ўйин умуман бошқача тус олиб кетиши ҳам мумкин эди. Бундан ташқари, 77-дақиқада Абдухолиқов бирга-бир вазиятга чиқиб кетаётганда ҳам тўпни қайтариб юборди.

Шу тариқа, бу турда жамоаси ғалабасига катта ҳисса қўшган ва турнинг энг мураккаб сейвини ижро этган Александр Лобанов 4-турнинг энг яхши дарвозабони деб топилди. Эслатиб ўтамиз, у ортда қолган 4 турда иккинчи бор "Championat.asia"нинг тур рамзий терма жамоасига ҳам киритилди.

Видео «Тезкор студия»: Кун ўйинлари таҳлили, тур сенсацияси ҳамда ўзбек футболидаги муаммоли тенденция ҳақида Беғамов ва Кошелев фикрлари

Суперлига. Тур дарвозабони - Александр Лобанов