Бу ҳақда ЎФА Матбуот хизмати эълон қилди. ЎФА Ҳакамлар ва назоратчилар департаменти томонидан ҳар бир турдан кейин ўйинларда ишлаган ҳакамларнинг ҳатти-ҳаракатлари таҳлил қилиб борилмоқда. Бугун ҳам ЎФА мутахассислари томонидан сўнгги турда ҳакамлар томонидан йўл қўйилган хатолар кўрсатиб ўтилди ва кейинги ўйинларда бу хатоларни такрорламаслик учун нималарга аҳамият қаратиш зарурлиги таъкидланди.

Семинарда кўплаб оммавий ахборот воситалари вакиллари ҳам иштирок этганини таъкидлаб ўтиш зарур. Улар ўзларини қизиқтирган саволлар билан ҳакамларга ва мутахассисларга мурожаат қилишди. Қизғин баҳсу мунозаралар асосида кечган очиқ мулоқот кўринишидаги йиғилишда кўплаб муҳим маълумотлар билдирилди.

Семинар давомида йиғилганларга турли видеолавҳалар намойиш қилиниб, уларнинг билим ва кўникмалари синовдан ўтказилди. Шунингдек, ўйин қоидаларига киритилган баъзи жузъий ўзгаришлар ҳақида маълумот берилди.

Суперлига ва ПРО-лига ҳакамлари иштирокида семинар бўлиб ўтди