Superliga hamda Pro ligada ishtirok etayotgan klublarga ajratilayotgan mablag'larning maqsadli sarflanishini monitoring qilish maqsadida Vazirlar Mahkamasining 2021 yil 30 apreldagi Futbol klublari faoliyatining samaradorligini oshirish chora-tadbirlari to'g'risidagi 261-sonli qaroriga muvofiq professional futbol klublarining yillik xarajatlar smetasi O'FA bilan kelishilgan holda tasdiqlanishi belgilandi.

Barcha futbol klublari 2022 yilgi xarajatlar smetasi loyihasini hozirdanoq ishlab chiqmoqda va O'FAga kelishish uchun taqdim etmoqda. Klublarning avvalo infratuzilma va akademiyani rivojlantirish masalasiga pul yo'naltirishini taminlash uchun O'FA va O'zPFL vakillaridan tashkil etilgan maxsus komissiya klubning yillik xarajatlar smetasida birinchi navbatda stadion va maydon parvarishiga, akademiya hamda o'quv-mashg'ulot qarorgohini tashkil qilinishi, ayollar va futzal jamoalari, shuningdek turli yosh toifasidagi jamoalarning musobaqalardagi ishtiroki xarajatlari aks etgani bo'yicha o'z taklif va tavsiyalarini bermoqda.

Bundan ko'zlangan asosiy maqsad – aksariyat klublarda uzoq yillardan buyon echim topmay kelayotgan infratuzilma bo'yicha kamchiliklarni bosqichma-bosqich bartaraf etishdan iborat.

Superliga va Pro liga klublari kelasi yilgi smeta loyihasini O'FA oldida himoya qilmoqda