Иккинчи даврани трансферлар ойнасида кучайишга эришган "Хоразм" биринчи даврадаги сингари ғалаба билан бошлади. Таркиб борасида эса "Хоразм" юрган йўлга қарама-қарши юрган "Сурхон" иштирокидаги ўйинда эса мухлислар кинотомошабинлар тилидан тушмайдиган режиссёрнинг фильмларидан бирига ўхшаш картинага гувоҳ бўлишди – унда на пролог-эпилог, на кулминация, на ечим кўзга ташланди.

Жамоаларнинг Суперлига доирасида тўқнашувлари сони иккита бир рақамини ташкил этади. Уларнинг тўрттасида "Хоразм" устун келган бўлса, яна шунча баҳсда кучлар тенг келган. "Сурхон"га ғалабалар бобида худди шундай натижага эришиш учун битта муваффақият камлик қилмоқда. Тўплар нисбатида эса Алмопишнинг набиралари битта фарқ устунликка эга: 13-12.

Биринчи даврадаги ўзаро қарама-қаршилида "Хоразм" "Сурхон" майдонида 2:0 ҳисобида устун келди.

Тахмин. Турнир жадвалида бир-биридан нисбатан узоқ бўлмаган жамоалар беллашуви курашларга бой ўтиши табиий. Чўққига чиқишда орқадан бораётган алпинистдан олдиндаги қийинроқ бўлади, сабаби, у қулай йўлни қидириш билан бир қаторда, ортидан келаётган рақиби оёғидан тортиб қолмаслигидан хавфсирайди. Менимча, ушбу турда ортда бораётган "Хоразм" қўлидан келганини қилиб, "Сурхон"дан олдинга ўтиб олиш ҳаракатини бажарса керак.

Суперлига. "Хоразм" – "Сурхон". Превью