Улар учун Coca Cola Суперлигасига тегишли баъзи қизиқарли маълумотларни келтирамиз.

1. Ўзбекистон чемпионати қимматлик бўйича Осиёдаги юқори дивизионлар орасида 9-ўринда туради. Бу рейтинг унда тўп тепадиган футболчиларнинг трансфер қиймати асосида шакллантирилган. Биздан юқорида Саудия Арабистони, Япония, Жанубий Корея, БАА, Хитой, Қатар, Эрон ва Австралия биринчиликлари бор.

2. Суперлигада тўп тепадиган ўйинчиларнинг умумий қиймати 77, 2 млн еврога тенг.

3. Жанубий Корея ва Япония чемпионатларининг 2-дивизионлари ҳам бизнинг элитадан қимматроқ.

4. Суперлигада ўйнаётган футболчилар орасида трансфер баҳоси энг юқориси "Пахтакор" вакиллари Одил Ҳамробеков ва Достонбек Ҳамдaмов ҳисобланади — 1 млн евро.

5. Таркиби энг қиммат ўзбек клуби — "Пахтакор" (11,1 млн евро).

6. Таркиби энг арзон ўзбек жамоаси Термизнинг "Сурхон" клуби ҳисобланади (3,4 млн евро).

7. Ўзбекистон Суперлигасида 43 нафар легионер тўп тепади. "Сурхон" билан шартномани 1 томонлама бекор қилиб кетган Владимир Бубанья ҳисобга олинмаган.

8. Энг кўп легионерлар Сербия ҳиссасига тўғри келади — 14 нафар.

9. Чемпионатимизда ўйнайдиган энг қиммат легионер — Йован Жокич. Трансфермаркт портали АГМК ярим ҳимоячисини 800 минг еврога баҳолаяпти.

Суперлигада ҳисоб вақти: Кимга медаль, ким Про лигага?

Суперлиганинг энг қиммат футболчисини биласизми? Легионерни-чи?