“Bunyodkor-2003” futbolchilari musobaqani muvaffaqiyatli o'tkazishmoqda. Furqat Samegov va Alisher Ibrohimov shogirdlari guruh bosqichining so'nggi turida Tailandning “Buriram Yunayted” jamoasidan 3:0 hisobida ustun keldi. Po'latxo'ja Xoldarxonov “dubl” qayd etgan bo'lsa, Saidmurod Karimov yana bitta golga mualliflik qildi. Shu tariqa, “Bunyodkor” guruh bosqichining 4ta uchrashuvida 3ta g'alaba qayd etgan holda keyingi bosqichga 2-o'rin bilan yo'llanma oldi.
“Bunyodkor” U-12 jamoasi chorak finalda Tailandning boshqa bir jamoasi “Chonburi” bilan kuch sinashadi.

“SuperMokh Cup 2015”
U-12, “A” guruhi
5-tur, 11 dekabr
08:30. “Bukit Jalil” stadioni
“BUNYODKOR” – “BURIRAM YUNAYTED” (Tailand) 3:0 (1:0)
Gollar: Po'latxo'ja Xoldarxonov 2ta, Saidmurod Karimov
“Bunyodkor” tarkibi: 1.Xumoyunshoh Sayyotov, 4.Sardor Dusebaev, 5.Bahodir Toxirov, 7.Ibrohimbek Bahodirov (S), 8. Po'latxo'ja Xoldarxonov, 11.Konstantin Usov, 16.Usmonali Abdukarimov, 17.Diyorbek Odiljonov, 18.Umarali Rahmonaliev
Zaxiradan maydonga tushganlar: 3.Zufarjon Abdunabiev, 6.Xusan Mo'minov, 9.Saidmurod Karimov, 13.Usmonjon Ravshanov, 14.Mustafo Abdumannopov, 15.O'tkirbek Rahimov

Sergey Chigodaev va Akmal Risqullaev boshchiligidagi “Bunyodkor-2002” azolari Zagrebning “Dinamo” jamoasi bilan qiyin uchrashuv o'tkazishdi. O'yinning birinchi bo'limidayoq “qaldirg'ochlar” maydonda 9 kishi bo'lib qolishdi. Darvozabon Mo'minmirzo Qodirov va hujumchi Shoxjahon Ibrohimovga uchrashuvni boshqarib borgan hakam qizil kartochka ko'rsatdi. Shunga qaramasdan vakillarimiz tanaffusgacha 0:0 hisobini ushlab turishdi. Biroq o'yin oxirigacha bunday sharoitda to'p tepish tarbiyalanuvchilarimizga og'irlik qildi. Ikkinchi bo'lim o'rtalarida xorvatiyaliklar darvozamizga ikkita to'p kiritishib, g'alabani ilib ketishdi.

Endi “Bunyodkor”ning U-13 jamoasi ertaga (12 dekabr) Braziliyaning “Korintians” jamoasi bilan kuch sinashadi.

“SuperMokh Cup 2015”
U-13. 11 dekabr
“Pley-off” bosqichi
11:00. Kuala-Lumpur futbol akademiyasi stadioni
“BUNYODKOR” – “DINAMO” (Xorvatiya) 0:2 (0:0)
Chetlatishlar: Mo'minmirzo Qodirov, Shohjahon Ibrohimov
“Bunyodkor” tarkibi: 25.Mo'minmirzo Qodirov, 2.Abdul-Aziz Yusupov, 4.Diyorbek Rahimqulov, 5.Abbosbek Ashiraliev, 3.Lyubomir Bondarenko, 7.Jasurbek Jaloliddinov (S), 9.Abdurauf Bo'riev, 10.Shohjahon Ibrohimov, 11.Otabek Jo'raqo'ziev, 13.Abrorbek Neymatov, 17.Jasurbek Abdulekov
Zaxiradan maydonga tushganlar: 1.Gleb Xarin, 6.Jo'rabek Rixsiboev, 15.Abduqodir Xusanov, 16.Sardor Abdurashidxo'jaev, 18.Sobir Norboev, 19.Farruhbek Xojibekov

“SuperMokh Cup 2015”. “Bunyodkor-2003” g'oliblik uchun kurashmoqda