"Surxon” 2020 yilgi mavsum oldidan yangi bosh murabbiy va futbolchilarni tanishtirdi

Narzulla Saydullayev

28 feb 2020

Bugun Termiz shahridagi "Yoshlar markazi" binosida “Surxon” professional futbol klubi keng jamoatchilik uchun yangi mavsum oldidan yangi futbolchilarning tanishtiruv marosimini o'tkazdi.

Tadbirda Surxondaryo viloyat hokimi o'rinbosari va klub rahbariyati ishtirok etishdi.

Uchrashuv avvalida Surxondaryo viloyat hokimi o'rinbosari Chori Rahmonovich Begimqulov so'zga chiqib o'tgan mavsum ko'ngildagidek o'tgani jamoa kuchli oltilikka kirgani bu yil OCHLga yo'llanma olishi kerakligi haqida to'xtaldi. Bu mavsum viloyat hokimi futbolga katta etibor qaratib jamoaga har tomonlama sharoitlar yaratib berayotganligi, xususan, jamoaning uy stadioni bo'lmish “Surxon” stadionining yoritish tizimi bilan bog'liq muammo hal etilib, aprel oyidan boshlab uchrashuvlar kechki vaqtda bo'lishi haqida to'xtaldi.

Tadbirda klub direktori Hasan Ro'ziev Jamoaga bosh murabbiyi vazifasini bajaruvchi etib Shavkat Abduxo'jaev tayinlanganligini elon qildi va jamoaning tayyorgarligi va yangi mavsumdagi rejalari haqida to'xtaldi. Shundan so'ng jamoaga taklif etilgan futbolchilarga jamoa liboslari taqdim etildi.

Tadbir davomida "Surxon" futbolklubiga kelib qo'shilgan yangi futbolchilar keng ommaga tanishtirildi. Ular "Surxon" safida quyidagi raqamlarda to'p tepishadi:

11 – Aleksandr Kasyan
45 – Akbar To'raev
8 – Sherzod Karimov
27 – Aziz Ibragimov
16 – Nuriddin Hasanov
7 – Husniddin G'ofurov
32 – Jahongir Mehmonov
17 – Sardor Sulaymonov
15 – Nurmuhammad Nomozov
99 – Sarvar Soliev