Eshitdik-da! "Surxon"ga kelgan uch nafar ispaniyalik mutaxassisda kerakli licenziya yo'q ekan
Aslida, Ispaniyadan tashrif buyurgan mutaxassislar orasida 3 nafar murabbiyning licenziyasi yo'q ekan degan malumot noto'g'ridir.
- "Surxon" jamoasiga bosh murabbiy sifatida tashrif buyurgan Xordi Fabregat Valmana (Jordi Fabregat Valmana)da UEFA "PRO" licenziyasi mavjud.
- Sport direktori sifatida kelgan Barosso Gonsales (Barosso Gonzalez)da ham kerakli licenziya mavjud va u bemalol klubda sport direktor sifatida faoliyat yuritishi mumkin.
- Analitik murabbiy sifatida tashrif buyurgan Jonatan Egea Lomas (Jonathan Egea Lomas)da kerakli licenziya mavjud.
- Jismoniy tayyorgarlik murabbiyi sifatida tashrif buyurgan Xorxe Ruiz (Jorge Ruiz) Ispaniyaning Las Palmas universitetini (Las Palmas de Gran Canaria) aynan jismoniy tayyorgarlik bo'yicha fakultetini tamomlagan. Ming afsuski, OFK talabiga ko'ra jismoniy tayyorgarlik bo'yicha murabbiydan "Level-2" licenziyasi talab qilinadi. Xorxe UEFA tasnifidagi davlatlarda jismoniy tayyorgarlik bo'yicha murabbiy sifatida ishlay oladi.
- Darvozabonlar murabbiyi sifatida tashrif buyurgan Adrian Manuel (Adrian Manuel) "Level-1" darvozabonlar murabbiyi licenziyasiga ega. OFK talabiga ko'ra Superliga klubida darvozabonlar murabbiyidan "Level-3" licenziyasi talab qilinadi.
Bu yildan to'g'ri tizimda ishlashni va kelasi yili OFK licenziyasini olishni o'z oldiga maqsad qilib qo'ygan "Surxon" klubi ushbu murabbiylar o'rnini aynan licenziyasi OFK talabiga javob beradigan mutaxassislar bilan to'ldirishga qaror qildi.
Shuningdek, O'zPFL tomonidan ishlab chiqilgan Musobaqalar reglamenti 6.1 bandida "2023-yilgi mavsumdan boshlab faqat OFK licenziyalashidan o'ta olgan klublarga Superligada ishtirok etish uchun licenziya berilishi" takidlab o'tilgan.
Klub muxlislaridan esa, sarosimaga tushmaslikni va ijtimoiy tarmoqlarda chiqarilayotgan norasmiy malumotlarga ishonmaslikga chaqiradi", - deb yozadi "Surxon" klubi matbuot xizmati.
Izohlar