35 milliondan ziyod aholi istiqomat qiladigan yurtimizda istedodlar juda ko'p. Faqat ularni o'z vaqtida ko'ra bilish va sharoit yaratishimiz kerak. Shu maqsadda uchta klub, "Paxtakor", "Odil Ahmedov FA" hamda Toshkent futbol akademiyasi hamkorligida "Xolland Loyihasi"ni ishga tushirdik. Nima uchun Xolland? Bu futbolchi haqida kanalimda o'qishingiz mumkin. Kichik bir qishloqdan chiqqan. Loyihadan asosiy ko'zlangan maqsad, O'zbekistonda selekcionerlar qadam bosmagan hududlarda ommaviy futbol bo'yicha tadbirlar o'tkazib, u erdagi bo'ladigan bo'lsa, yaxshi istedod egasiga imkon berish. Agar futbolchi topilmasa, bundan fojea yasash kerak emas, qishloq ahli uchun bayram o'tkazganimiz qoladi.

Bizni Chetsu mahallasining raisi, Sayfiddin aka kutib oldilar. Qishloqda 3ta maktab bor ekan. Har bir maktabdan 10 nafargacha 3 va 4-sinf o'quvchilari maydonga keldilar. Esdalik sovg'alarini berib, mayin yomg'ir ostida futbol uchrashuvimizni boshladik. Ketishdan avval, bitta yaxshi akaxonimiz tomonidan bozorlik qilib olingan edi. Futbol tugagach, rais buva bilan uni mahalliy aholiga tarqatdik. Tabiat qo'ynida tashkil qilgan tadbirimiz, avvalo o'zimizga manzur keldi. Bu qishloqdan vodiyga qatnaydiganlar har kuni o'tishadi. O'zim ilk marotaba 1999 yilda Qamchiq davonidan o'tganman. Har safar, Tangatopdi ko'chasini ichida nima bor yo'qligi bilan qiziqardi.

Loyiha kengayib borishiga ishonaman. Birinchi nishona sonidan keyin, bu xayrli ishda ishtirok etish istagini bildirganlar soni oshdi. Keyingi safarlarimizda, muxlislar tanigan futbolchi, murabbiy, OAV xodimlarini ham o'zimiz bilan olib borishni niyat qilganmiz.

Ko'p yozmaymiz, qisqacha videoda ko'rib qo'yishingiz mumkin.

Tangatopdi qishlog'ini bilasizmi? Istedodlarni qishloqlardan izlaydigan loyiha ishga tushdi