Гап шундаки, бундан буён татуировкаси бор футболчилар терма жамоага чақирилмайди. Федерация ёшлар футболчилардан яхши ўрнак олсин деган мақсадда шундай қарорга келди. Эрон ФФ этика қўмитаси бу ҳақда футболчиларни огоҳлантирди.

Тўғри, ҳозир айрим футболчиларда татуировка бор. Масалан, Ашкан Дежага билан Сардор Азмунда. Улар нима қилади? Гап шундаки, улар майдонга чиққанда доим узун футболка кийиб юришлари керак. Шунда қўлдаги ёзув ва суратлар кўринмайди. Эрон футбол федерацияси татуировка Ғарбдан кириб келган деб ҳисобламоқда ва тананинг ҳар қандай қисмига сурат чиздириш мусулмончилик одатларига тўғри келмайди.

Бу ҳақда федерация расмий вакили шундай деди: "Инсон танасига татуировка чиздириш Эрон урф-одатларига тўғри келмайди ва бу жамиятимиз зарарига хизмат қилади".

Татуировкаси бор футболчиларга терма жамоада жой йўқ