Ushbu bahsdan so'ng toshkentliklar sardori Temur Kapadze o'z fikrlari bilan o'rtoqlashdi.

“So'g'diyona”ga qarshi bahs bundanda qiyinroq bo'ladi deb o'ylagandim. Ushbu jamoa birinchi davrada bizga anchagina qiyinchiliklar tug'dirgan edi. “Neftchi” bilan bo'lgan bahsdan so'ng jizzaxliklarning o'yin uslublarini o'rganib chiqdik. Uchrashuvning ilk daqiqalarida tezkor gol urganimiz uchun jamoadoshlarimda o'ziga bo'lgan ishonch yanada oshdi. Birinchi bo'limda 2:0 hisobida oldinga chiqib olganimizdan keyin ikkinchi bo'limda ham o'yinni to'liq nazorat qila oldik. Ular bizga qarshi ochiq futbol namoyish etishdi. Hech bir jamoa bizga qarshi bunday o'yin ko'rsatmasa kerak deb o'ylayman. “So'g'diyona” bizga qarshi maydonda qo'rqmasdan harakat qildi. Bu natijani esimizdan chiqarishimiz kerak, chunki oldimizda muhim uchrashuv bizni kutib turipti.

Safarda OCHLda BAAning “Al–Ayn” klubiga qarshi bahs olib boramiz. To'g'ri bizda qaerdadir xatolar bo'ldi, lekin OCHLda mana shu xatolarni takrorlamaslikka harakat qilamiz. Murabbiyimizning bergan ko'rsatmalari bilan “Al–Ayn”ni mag'lub etishga urinamiz. Raqibimizni kuchli va kuchsiz taraflarini o'rganib chiqamiz. “So'g'diyona”ga qarshi bahs “Al–Ayn”ga qarshi tayyorgarlik vazifasini o'tab berdi. Safardan ijobiy natija bilan qaytishimiz kerak”, - deydi “Lokomotiv” klubi sardori Temur Kapadze.

Jahongir Sotvoldiev

Temur Kapadze: “So'g'diyona” bilan bo'lgan o'yin “Al–Ayn”ga qarshi tayyorgarlik vazifasini o'tab berdi”